ბიძინა ივანიშვილი ტელევიზიების ჟურნალისტებს კიდევ ერთხელ შეხვდება

24-10-2018

მოქალაქეთა პოლიტიკური გაერთიანება “ქართული ოცნება - დემოკრატიული საქართველოს” თავმჯდომარე, ბიძინა ივანიშვილი ტელემედიისს წარმომადგენლებს კიდევ ერთხელ შეხვდება.

ამ მიზნით, მმართველი პარტიის თავმჯდომარე 26 ოქტომბერს, 11:00 სთ-ზე, საქართველოში მოქმედი საერთო ეროვნული მაუწყებლების წარმომადგენლებს - “მაესტროს”, “ობიექტივს”, “პალიტრა NEWS”-ს, “კავკასიას” და “იბერია TV”-ს იწვევს.

„საზოგადოებას შევახსენებთ, რომ ბიძინა ივანიშვილის მოწოდება მინიმალური მედია სტანდარტის დაცვისა და განსხვავებული აზრის პატივისცემისკენ, ტელეკომპანია „რუსთავი2“-ის მიერ შეფასებული იქნა როგორც მუქარა და სარედაქციო პოლიტიკაში უხეში ჩარევის მცდელობა.

სწორედ ამიტომ, პარტიის თავმჯდომარე „რუსთავი2“-ს 26 ოქტომბერს დაგეგმილ შეხვედრაზეც იწვევს, რათა ამ ტელევიზიას მიეცეს საშუალება, ნებისიერ თემაზე დასვას კითხვები და შეასრულოს განსხვავებული აზრის საკუთარ მაყურებლამდე მიტანის ვალდებულება.

ინტერვიუს საერთო სიგნალს პარტია „ქართული ოცნება - დემოკრატიული საქართველოს“ უზრუნველყოფს და პირდაპირ რეჟიმში ყველა დაინტერსებულ მედიასაშუალებას მიაწვდის“-აცხადებენ პარტიის პრესსამსახურში.

შეხვედრა ტექნო პარკში გაიმართება.