სამართლიანად ჩატარდა თუ არა არჩევნები
ვატო შაქარიშვილი: 24 აგვისტო „ნაცმოძრაობის“ სისხლიანი რეჟიმის ორ მსხვერპლს გვახსენებს… დღეს, ბუტა რობაქიძის დაბადების და ირინა ენუქიძის გარდაცვალების დღეა
24-08-2024
24 აგვისტო „ნაცმოძრაობის“ სისხლიანი რეჟიმის ორ მსხვერპლს გვახსენებს… დღეს, ბუტა რობაქიძის დაბადების და ირინა ენუქიძის გარდაცვალების დღეა… - წერს „ერთიანი ნეიტრალური საქართველოს“ წევრი, ვატო შაქარიშვილი სოციალურ ქსელში.
მისი თქმით, 24 აგვისტო კიდევ ერთხელ გვახსენებს, რომ „კოლექტიური ნაცმოძრაობა“ უნდა გასამართლდეს, დაისაჯოს და ქართული საზოგადოებრივ-პოლიტიკური სივრცე საბოლოოდ გაიწმინდოს ამ ტოქსიკური ძალისგან.
„24 აგვისტო ნაცმოძრაობის სისხლიანი რეჟიმის ორ მსხვერპლს გვახსენებს… დღეს, ბუტა რობაქიძის დაბადების და ირინა ენუქიძის გარდაცვალების დღეა…
19 წლის უდანაშაულო ბიჭი მოკლეს, არ იკმარეს და ბანდიტობა დააბრალეს, მთელი სისტემა ჩაერთო დანაშაულის დაფარვაში!
ბუტას დედა, ია მეტრეველი და სიკვდილის ბრიგადების მიერ სასტიკად მოკლული სანდრო გირგვლიანის დედა ირინა ენუქიძე, რეჟიმთან ბრძოლის სიმბოლოებად იქცნენ!
შვილმოკლული დედები შეუპოვრად იბრძოდნენ სხვისი შვილების სიცოცხლისთვის, სამართლიანობისთვის… ირინა ენუქიძე ამ ბრძოლას შეეწირა… მიუხედავად იმისა, რომ უდიდესი მანქანა დაუპირისპირდა, ვერ გატეხეს, ვერ გააჩერეს და მისი სიცოცხლეც შეიწირეს… 2007 წლის 24 აგვისტოს გარდაიცვალა და 28 აგვისტოს მარიამობა დღეს მიწას მიაბარეს…
მისი სიტყვებია - „ჩემი შვილის სიცოცხლე დასრულდა, მე ახლა თქვენი შვილებისთვის ვიბრძვი...“
ირინა ენუქიძემ გვაჩვენა ქართველი ქალის, ქართველი დედის ღირსების, შეუპოვრობის, ბრძოლისუნარიანობის წარმოუდგენელი მაგალითი! ქედს ვიხრი მისი სულის წინაშე და მადლობას ვუხდი მას!
მადლობა, ია მეტრეველს, გამწარებულ დედას, ძალიან ღირსეულ და მტკიცე ქალბატონს, რომელიც დღემდე არ წყვეტს ბრძოლას იმისათვის, რომ აღარასოდეს დაუშვას მკვლელი რეჟიმის დაბრუნება!
24 აგვისტო კიდევ ერთხელ გვახსენებს, რომ კოლექტიური ნაცმოძრაობა უნდა გასამართლდეს, დაისაჯოს და ქართული საზოგადოებრივ-პოლიტიკური სივრცე საბოლოოდ გაიწმინდოს ამ ტოქსიკური ძალისგან!!!“ - წერს ვატო შაქარიშვილი.
