სამართლიანად ჩატარდა თუ არა არჩევნები
თელავმა ავსტრიის დელეგაციას უმასპინძლა
25-10-2018
თელავში ავსტრიის შტირიის მხარის ქალაქ გრაცის დელეგაცია სტუმრად იმყოფება. როგორც „ინტერპრესნიუსს“ თელავის მუნიციპალიტეტის მერიიდან აცნობეს, ვიზიტი ეძღვნება თელავის მეცხრე საჯარო სკოლისა და ქალაქ გრაცის მეგობრობის 20 წლის იუბილეს. დელეგაციას ხელმძღვანელობენ შტირიის მხარის ევროპის ქვეყნებთან ურთიერთობის დეპარტამენტის უფროსი პატრიკ შნაბელი და მისი მოადგილე ევა ზობერი.
ღონისძიების ფარგლებში დელეგაციასთან შეხვედრა გამართა თელავის მუნიციპალიტეტის მერმა შოთა ნარეკლიშვილმა. შეხვედრას ასევე ესწრებოდნენ: თელავის მუნიციპალიტეტის მერის მოადგილე ალექსანდრე საჩიშვილი, თელავის მეცხრე საჯარო სკოლის დირექტორი ნანა თვალიაშვილი და მისი მოადგილე თინათინ ჯავახიშვილი. თელავის მუნიციპალიტეტის მერმა შოთა ნარეკლიშვილმა დამსწრე საზოგადოებას მიულოცა 20 წლის იუბილე, სტუმრებს მადლობა გადაუხადა თანამშრომლობისთვის და ინფორმაცია მიაწოდა თელავის მუნიციპალიტეტის საგანმანათლებლო, კულტურული თუ ტურისტული პოტენციალის შესახებ. შეხვედრაზე ასევე ისაუბრეს თელავსა და შტირიის მხარეს შორის ურთიერთთანამშრომლობის გაღრმავებაზე, არსებულ პროგრამებსა და სამომავლო პერსპექტივებზე.
