დიმიტრი ცქიტიშვილი სააკაშვილი-ალასანიას სავარაუდო ჩანაწერებზე: ეს იყო მმართველობის ის ფორმა, რაც „ნაცმოძრაობას“ წლების განმავლობაში ჰქონდა

25-10-2018

„ეს იყო მმართველობის ის ფორმა, რაც „ნაციონალურ მოძრაობას“ წლების განმავლობაში ჰქონდა. გამახსენდა ის ნეგატიური წლები, როცა კრიმინალი და დანაშაული ხელისუფლებიდან მოდიოდა, როცა ამ მეთოდებით იმართებოდა ქვეყანა და ადამიანებს არაფრად აგდებდნენ“ - განაცხადა უმრავლესობის წევრმა დიმიტრი ცქიტიშვილმა ერთ-ერთი უკრაინული ვებ-გვერდის მიერ ოდესის ყოფილი გუბერნატორის მიხეილ სააკაშვილისა და მისი ბიძის თემურ ალასანიას ფარულ ჩანაწერთან დაკავშირებით.

მისი თქმით, ჩანაწერების შინაარსი არ გაკვირვებია.

„სავარაუდო აუდიოჩანაწერების ავთენტურობას შესაბამისი უწყება დაადგენს და ალბათ ექსპერტიზაც უნდა ჩატარდეს“,- განაცხადა დიმიტრი ცქიტიშვილმა.