სამართლიანად ჩატარდა თუ არა არჩევნები
ზურაბ ქადაგიძე თინა ხიდაშელზე: არც საკუთარი წონა იცის და არც საკუთარ შესაძლებლობებს აფასებს - ტაივანური გრანტის მოლოდინში წარმოუდგენლად მაღალ მატერიებს ეჭიდება
10-09-2024
„ხალხის ძალის“ წევრი, ზურაბ ქადაგიძე თავდაცვის ყოფილი მინისტრის, თინა ხიდაშელის განცხადებას, რომლის მიხედვითაც „ივანიშვილი ისტერიკაშია, რადგან თავს მომწყვდეულად გრძნობს“, სოციალურ ქსელში ეხმაურება.
როგორც ზურაბ ქადაგიძე წერს, თინა ხიდაშელმა არც საკუთარი წონა იცის და არც საკუთარ შესაძლებლობებს აფასებს, ამიტომ მსგავსი განცხადებებით წარმოუდგენლად მაღალ მატერიებს ეჭიდება.
„ბიძინა ივანიშვილი, მისი გუნდი და ხელისუფლება კონსტიტუციური უმრავლესობის მოლოდინში ისტერიკაშია და თინა ხიდაშელი, თავისი „ლელოელი” ქმრით და ტაივანური ხელფასით მხნედ გრძნობს თავს?! ლიბერალიზმის სიგიჟის თანამედროვე გამოვლინებაა ე.წ სპორტული „ქამინგ აუთი“ - როდესაც სპორტსმენი ყველანაირ მანიპულაციას მიმართავს, რომ შესაძლებლობის მიუხედავად, წარმატებას საკუთარი პიროვნული კომპლექსებით და „მეინსტრიმული” სიგიჟეებით მიაღწიოს. ასეა ამ საცოდავის საქმეც - არც საკუთარი წონა იცის და არც საკუთარ შესაძლებლობებს აფასებს - ტაივანური გრანტის მოლოდინში ეჭიდება წარმოუდგენლად მაღალ მატერიებს ისე, რომ ისიც არ გაუთვალისწინებია, „წელზე მაღლა” ხტომამ, კისრის მომტვრევა რომ იცის. არადა, ერთი კარგი მრჩეველი რაა, ტაივანური ლაბორატორიის გამორჩეულ ეგზემპლარს რომ დაუნიშნონ და ვინმემ მიუთითოს - შენ ტაივანისთვის პროექტი წერე, სერიოზულ საკითხებს თავი დაანებე, პოლიტიკა არ არის შენი საქმეო?! საკუთარი ქმრის „ლელოში” შესვლით და ისედაც, ბითური ავტორიტეტის უფრო გაბითურებით ხომ მაინც უნდა მიხვდე - სად და რა წონის კატეგორიაში ასპარეზობ?!“ - წერს ზურაბ ქადაგიძე.
