გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    სექტემბერი 2025    »
1234567
891011121314
15161718192021
22232425262728
2930 

ირაკლი კობახიძე: „ფორმულა" ავრცელებს მესიჯს, რომ თუ ქართველი ხალხი არ დააბრუნებს ხელისუფლებაში კოლექტიურ „ნაცმოძრაობას", დაისჯება, ეს არის იაფფასიანი შანტაჟის მცდელობა

17-09-2024

ტელეკომპანია „ფორმულა" ავრცელებს მესიჯს, რომ თუ ქართველი ხალხი არ დააბრუნებს ხელისუფლებაში კოლექტიურ „ნაცმოძრაობას", დაისჯება, ეს არის იაფფასიანი შანტაჟის მცდელობა, - ამის შესახებ საქართველოს პრემიერ-მინისტრმა ევროკავშირთან უვიზო რეჟიმის შესაძლო შეჩერებაზე გავრცელებული ინფორმაციის საპასუხოდ განაცხადა.


მთავრობის მეთაურის შეფასებით, ეს არის იაფფასიანი შანტაჟის მცდელობა.


„უნდათ, ხალხს მიაწოდონ ინფორმაცია იმასთან დაკავშირებით, რომ თუ ქართული საზოგადოება ხელისუფლებაში არ დააბრუნებს სისხლიან რეჟიმს - კოლექტიურ „ნაცმოძრაობას", ამ შემთხვევაში დაისჯება საზოგადოება. ეს არის მესიჯი - თუ ქართველი ხალხი არ დააბრუნებს ხელისუფლებაში კოლექტიურ „ნაცმოძრაობას", ამ შემთხვევაში ქართველი ხალხი დაისჯება. ამ მესიჯს ავრცელებს ტელეკომპანია „ფორმულა". ეს არის იაფფასიანი შანტაჟი, რომელსაც ფასი ვერ ექნება საარჩევნოდ. ქართული საზოგადოება ასეთ შანტაჟს კიდევ უფრო მკაფიო პასუხს გასცემს 26 ოქტომბერს", - აღნიშნა პრემიერმა.