„ერთიანი ნეიტრალური საქართველო“: მაკკეინის ინსტიტუტის მიერ გამოქვეყნებული რევოლუციური ინსტრუქციები ნათლად აჩვენებს Deep State-ის გავლენას ევროკავშირის პოლიტიკაზე

23-09-2024

20 სექტემბერს გამოქვეყნდა მაკკეინის ინსტიტუტის მიერ მომზადებული დოკუმენტი, რომელიც აყალიბებს „რეკომენდაციებს“, თუ რა ნაბიჯები უნდა გადაიდგას უახლოეს მომავალში საქართველოსთან მიმართებაში. აქ ის გარემოებაა მნიშვნელოვანი, რომ აშშ-ში მოქმედი ერთ-ერთი არასამთავრობო ორგანიზაცია წერს სცენარს, რომლის მიხედვითაც უნდა იმოქმედონ როგორც აშშ-ის ოფიციალურმა სტრუქტურებმა, ასევე ევროკავშირმა. თანაც აღსანიშნავია, რომ მაკკეინის ინსტიტუტის გეგმიდან, გარკვეული პუნქტების აღსრულება მის გამოქვეყნებამდეც დაიწყო. მხედველობაში გვაქვს ევროკავშირის ელჩის, პაველ ჰერჩინსკის ანონსი 26 ოქტომბრის არჩევნების დელეგიტიმაციასთან დაკავშირებით და ევროკავშირის სხვა ბიუროკრატებისგან წამოსული მუქარა, უვიზო რეჟიმის თუ კანდიდატის სტატუსის შეჩერებაზე, - აღნიშნულია „ერთიანი ნეიტრალური საქართველოს“ განცხადებაში.

როგორც განცხადებაში ვკითხულობთ, პაველ ჰერჩინსკის განცხადება შეიძლება გავიგოთ, რომ აშშ-ის და ევროკავშირისთვის სასურველი ძალები, ანუ „კოლექტიური ნაცმოძრაობა“ არჩევნებში ვერ იმარჯვებს და წინასწარ მზადდება ნიადაგი არჩევნების არასამართლიანად და არალეგიტიმურად გამოცხადებისათვის.

„პაველ ჰერჩინსკიმ განაცხადა, რომ არჩევნების შეფასებისას დაეყრდნობიან ISFED-ს − ორგანიზაციას, რომელმაც გააყალბა 2020 წლის საპარლამენტო არჩევნებზე ხმების პარალელური დათვლის (PVT) შედეგი, რამაც მართალია საბოლოო მიზნამდე, ანუ ხელისუფლების რევოლუციური გზით ცვლილებამდე ვერ მიიყვანა, მაგრამ შექმნა ხანგრძლივი პოლიტიკური კრიზისი, რითაც შეარყია ქვეყნის სტაბილურობა და განვითარება. შესაბამისად, პაველ ჰერჩინსკის განცხადება მხოლოდ ასე შეიძლება გავიგოთ: რადგან უკვე ვხედავთ, რომ აშშ-ის და ევროკავშირისთვის სასურველი ძალები, ანუ „კოლექტიური ნაცმოძრაობა“ არჩევნებში ვერ იმარჯვებს, წინასწარ მზადდება ნიადაგი არჩევნების არასამართლიანად და არალეგიტიმურად გამოცხადებისათვის“, - ნათქვამია „ერთიანია ნეიტრალური საქართველოს“ წერილში.

განცხადებაში ნათქვამია, რომ მაკკეინის ინსტიტუტის მიერ გამოქვეყნებული რევოლუციური ინსტრუქციები ნათლად აჩვენებს Deep State-ის გავლენას ევროკავშირის პოლიტიკაზე, რადგან სხვაგვარად ვერ აიხსნება, თუ როგორ ხდება, რომ ერთ-ერთი ამერიკული არასამთავრობო ორგანიზაცია ქმნის გარკვეულ დოკუმენტს, რომლის განხორციელება დაუყოვნებლივ იწყება ევროკავშირის ოფიციალური პირების მიერ.

„მაკკეინის ინსტიტუტის გეგმა საქართველოში გადატრიალების და სასურველი აგენტურული ხელისუფლების მოყვანის შესახებ, გამოქვეყნებულია ჩვენთვის კარგად ნაცნობი ქალბატონის, ლორა თორნტონის სახელით, რომელიც წლების განმავლობაში ხელმძღვანელობდა NDI-ის თბილისის ოფისს და ჩვენი ქვეყნის ინტერესების საწინააღმდეგო საქმიანობას ეწეოდა − მანიპულირებდა საზოგადოებრივ აზრზე, აქვეყნებდა ცრუ კვლევებსა და ანგარიშებს.

მეტად საყურადღებოა მაკკეინის ინსტიტუტის დირექტორი და მთავარი ფიგურა − ეველინ ფარკასი, Deep State-ის ერთ-ერთი ყველაზე თვალსაჩინო წარმომადგენელი. საზოგადოებას შევახსენებთ, რომ ეველინ ფარკასი, ბარაკ ობამას ადმინისტრაციაში მაღალ თანამდებობას იკავებდა (2012-2015 წლებში), რომლის საკურატორო სფეროშიც შედიოდა უკრაინა, რუსეთი, აღმოსავლეთ ევროპა და კავკასია. ეველინ ფარკასი, ვიქტორია ნულანდთან ერთად მონაწილეობდა კიევის “მაიდანის”მომზადებასა და განხორციელებაში.

აშშ-ში მას ომის წამქეზებელთა (warmongers) რიგებს მიაკუთვნებენ. ყველას კარგად გვახსოვს, რომ ეველინ ფარკასი 2022 წლის სექტემბერში, საქართველოს ღიად მოუწოდებდა რუსეთის წინააღმდეგ სანქციების დაწესებისა და ომში ჩართვისაკენ. იქმნება შთაბეჭდილება, რომ დღესაც სწორედ ეველინ ფარკასი უწერს სამოქმედო გეგმას აშშ-ის ოფიციალურ სტრუქტურებს და გარდა ამისა, მითითებებს აძლევს ევროკავშირის ბიუროკრატიასაც. მაკკეინის ინსტიტუტის მიერ გამოქვეყნებული რევოლუციური ინსტრუქციები ნათლად აჩვენებს Deep State-ის გავლენას ევროკავშირის პოლიტიკაზე.

სხვაგვარად ვერ აიხსნება, თუ როგორ ხდება, რომ ერთ-ერთი ამერიკული არასამთავრობო ორგანიზაცია ქმნის გარკვეულ დოკუმენტს, რომლის განხორციელება დაუყოვნებლივ იწყება ევროკავშირის ოფიციალური პირების მიერ“, - ვკითხულობთ „ერთიანია ნეიტრალური საქართველოს“ წერილში.