სამართლიანად ჩატარდა თუ არა არჩევნები
ირაკლი კობახიძე: დიდია ალბათობა იმისა, რომ არჩევნები დღესვე დასრულდეს
28-10-2018
საქართველოს პარლამენტის თავმჯდომარემ, ირაკლი კობახიძემ საკუთარი არჩევანი დღეს ვაკეში, 53-ე საარჩევნო უბანზე დააფიქსირა.
არჩევანის გასაკეთებლად პარლამენტის სპიკერი ოჯახის წევრებთან ერთად მივიდა.
„დღეს ხმა დემოკრატიას, განვითარებას და ნათელ მომავალს მივეცი. ჩვენ ყველამ ვნახეთ სად იყო საბჭოთა და კავშირი და სად იყო ევროპა, რა თქმა უნდა არჩევანი უნდა გავაკეთოთ ევროპის სასარგებლოდ და ეს ჩვენი ისტორიული არჩევანია.
რაც შეეხება მეორე ტურის შესაძლებლობას, ჩვენ წინასწარი კვვლევების შედეგებზე ვსაუბრობდით, რომელიც აჩვენებს, რომ ძალიან მაღალია ალბათობა იმისა, რომ საპრეზიდენტო არჩევნები დღესვე დასრულდეს, თუმცა ასვე არის ალბათობა იმისა, რომ საჭირო გახდეს მეორე ტურის ჩატარება. ყველაფერი დამოკიდებულია მოქალაქეების აქტიურობაზე, ამასთან, ჩვენ თვალ-ყურს ვადევნებთ საარჩევნო პროცესს, რაიმე არსებითი დარღვევები ჯერ არ დაფიქსირებულა და იმედი მაქვს, ეს საარჩევნო პროცესი ასეთივე რეჟიმში გაგრძელდება“-განაცხადა ირაკლი კობახიძემ.
