სამართლიანად ჩატარდა თუ არა არჩევნები
ქუთაისში ამომრჩეველმა სიაში 5 წლის წინ გარდაცვლილი შვილი აღმოაჩინა
28-10-2018
ქუთაისში 118-ე საარჩევნო უბანზე ამომრჩეველმა ხუთი წლის წინ გარდაცვლილი შვილი აღმოაჩინა. თამარ ლომსაძის თქმით, მაშინ როცა სიაში საკუთარ თავს ეძებდა, შვილის ფოტო დაინახა და კომისიას დაუყონებლივ ფაქტზე რეაგირება მოსთხოვა.
ამომრჩეველი ითხოვს, გაუქმდეს ბიულეტინი. მისივე განმარტებით, გარდაცვლილი კაცი კედლის სიაში არ ფიქსირდება, თუმცა დავით ლომსაძის სახელი და გვარი სამაგიდო სიაში აღმოჩნდა. კომისიის თავმჯდომარის თქმით, დაინტერესებულმა პირმა ცესკოს უნდა მიმართოს, რადგან ფაქტზე რეაგირება მათ კომპეტენციაში არ შედის.
ცესკოში მორიგი საინფორმაციო ბრიფინგი გაიმართა. ანა მიქელაძის თქმით, დარღვევებზე შესულ განცხადებებს საარჩევნო ადმინისტრაცია კანონის ფარგლებში შეისწავლის და რეაგირებას მოახდენს.
12:00 საათის მონაცემებით არჩევანი ამომრჩეველთა 15,95% გააკეთა ანუ კენჭისყრაში მონაწილეობა უკვე მიიღო 558 755 ამომრჩეველმა. მონაცემები დაახლოებით 2%-ით ჩამორჩება 2013 წლის საპრეზიდენტო არჩევნების 12-საათიან მონაცემებს (17,15%).
