დავით ქართველიშვილი: მოღალატე ანტიქართულ უსამშობლოთა ყველაზე სტაჟიანი „რაზმელი“ ხაზარაძეა. შემდგომში სასამართლოს მიერ „ვადაგასულ“ თაღლითად ცნობილ ხაზარაძეს, ქვეყნის მოღალატეობრივ „ავტობანზე“ მაზაკვალი გახარია დაეწია

10-10-2024

„ქართული საზოგადოებისთვის ოდითგანვე უფრო დიდ ხიფათს არა გამოაშკარავებული მტერი, არამედ პერიოდული "კონსერვაციის" რეჟიმში მყოფი მოღალატეები წარმოადგენდნენ, მსგავსად ზურგში გადმოსროლილი მოწინააღმდეგის დესანტისა, რომელიც მისთვის განკუთვნილ X-საათში შენს ზურგში დანის ჩასარტყმელად ემზადება“, - ასე ეხმიანება „ხალხის ძალის“ წევრი დავით ქართველიშვილი საპარლამენტოს უმრავლესობის ლიდერის, მამუკა მდინარაძის განცხადებას, რომლის თქმითაც, გახარია და ხაზარაძე დღეს ბევრად უფრო დიდ ხიფათს წარმოადგენენ ქართული საზოგადოებისთვის, ვიდრე ყველასათვის გაშიფრული „ნაციონალური მოძრაობა“.

მისივე თქმით, გიორგი გახარიას და მამუკა ხაზარაძის მრავალჯერად და მრავალფეროვან ღალატს ღირსეული ქართველი ამომრჩეველი ხმას ვერ მისცემს.

„ქართული საზოგადოებისთვის ოდითგანვე უფრო დიდ ხიფათს არა გამოაშკარავებული მტერი, არამედ პერიოდული "კონსერვაციის" რეჟიმში მყოფი მოღალატეები წარმოადგენდნენ, მსგავსად ზურგში გადმოსროლილი მოწინააღმდეგის დესანტისა, რომელიც მისთვის განკუთვნილ X-საათში შენს ზურგში დანის ჩასარტყმელად ემზადება. მოღალატე ანტიქართულ უსამშობლოთა ყველაზე სტაჟიანი "რაზმელი" აქ რა თქმა უნდა ხაზარაძეა. კომკავშირელთა ის აგრესიული ლიდერი, რომელიც КГБ-ს დავალებით ეროვნულ მოძრაობას არბევდა, რათა შემდგომში ყველაზე "ეროვნული" ძალის ქურქში გახვეულ "პოლიტიკოსად" მოვლინებოდა მისთვის რეალურად უცხო და მისგან დევნილ ქვეყანას.

თავისი მოღალატეობრივი კარიერის პირველ ეტაპზე, იმდროინდელი დამკვეთი პატრონების მეშვეობით, მადლიერების ნიშნად, თავისი პირველი მილიონები სწორედ ლენინგრადში გააკეთა. შემდგომ პატრონი შეიცვალა და უკვე მისი დავალების თანახმად გადაიქცა სააკაშვილის რეჟიმის მთავარ ფინანსისტად. ხოლო გაწეული მუშაობის საფასურად - სხვისი ბიზნესების რეიდერული "ახევებით", რეკეტით, საბანკო ჯიბგირობით საკუთარ მინიიმპერიას ამ "თვითდაფინანსებით" ქმნიდა. შემდგომში სასამართლოს მიერ "ვადაგასულ" თაღლითად ცნობილ ხაზარაძეს, ქვეყნის მოღალატეობრივ "ავტობანზე" მაზაკვალი გახარია დაეწია და დღეს მის გასწრებასაც აპირებს.

თავისი ღალატის ოფიციალურად გაფორმებამდე, მან მთელი რიგი დარგების (ეკონომიკა, შსს) მიზანმიმართულ დისკრედიტაციას მიაღწია. შემდეგ იყო ისტორიული "შემთხვევითი დამთხვევების" კასკადი: ერთ დღეს, ერთი ქვეყნის ერთი ქალაქის ერთი სასტუმროს ერთ სართულზე სააკაშვილთან "შემთხვევითი" შეხვედრა - და მივიღეთ გახარიას რეალური, და არა აქამდე ჩვენთვის ცნობილი ქვეყნის "ლიდერის" სახე.

ქართულმა მენტალობამ, ტრადიციამ, ლიტერატურამ ღია მტერთან ჩვენი დამოკიდებულების არაერთი მაგალითი დაგვიტოვა. მაგრამ ქვეყნის მოღალატეებთან პროზაში თუ პოეზიაში ასახული ზეაღმატებული დამოკიდებულების მაგალითებს - ქართული ისტორიული თუ ლიტერატურული ძეგლები პრეცედენტს არ გვთავაზობენ.

რაღა 26 ოქტომბერს უნდა შევქმნათ ეს პრეცედენტი, რაც არ ჯდება „ქართველობის პარადიგმაში“. ამიტომაც, მიუხედავად იმისა, რომ „გახარიაც და ხაზარაძეც დღეს უფრო დიდ ხიფათს წარმოადგენენ ქართული საზოგადოებისთვის" - მათ მრავალჯერად და მრავალფეროვან ღალატს ღირსეული ქართველი ამომრჩეველი ხმას ვერ მისცემს“, - წერს დავით ქართველიშვილი.