„ის აქცია, რომელიც დააანონსა დღეს ლგბტ-მ და რადიკალურმა ოპოზიციამ, პრინციპში სიმბოლურია. მივმართავ ყველა პატიოსან მოქალაქეს, რომელიც შეცდომაშია შეყვანილი, იცით, რომ დღეს ამ პრაიდის გვერდით, ანუ მამათმავლების გვერდით, თქვენც გეპატიჟებიან, რომ საქართველოს განვითარებასა და ხვალინდელ დღეზე ისაუბროთ. თქვენ მომხრე ხართ, რომ აქ ლეზბოსელი, გეი აქტივისტები და მათი პროპაგანდა იყოს დღის წესრიგში?“, - ასე გამოეხმაურა საპარლამენტო უმრავლესობის წევრი ირაკლი ზარქუა ოპოზიციის მიერ დღეს დაგეგმილ აქციას, რომელშიც „თბილისი პრაიდიც“ მონაწილეობს. 

ზარქუას თქმით, ვინც ლგბტ პროპაგანდის მომხრეა, ისინი ყველა როთები არიან.

„ის აქცია, რომელიც დააანონსა დღეს ლგბტ-მ და რადიკალურმა ოპოზიციამ, პრინციპში სიმბოლურია. მე მგონია, რომ დღეს ვინც ლგბტ პროპაგანდის მომხრეა, ისინი ყველა როთები არიან. დღეს შეკრება არის. მე უბრალოდ მივმართავ ყველა პატიოსან მოქალაქეს, რომელიც შეცდომაშია შეყვანილი, იცით, რომ დღეს ამ პრაიდის გვერდით, ანუ მამათმავლების გვერდით, ლგბტ საზოგადოების წევრებთან ერთად თქვენც გეპატიჟებიან, რომ საქართველოს განვითარებასა და ხვალინდელ დღეზე ისაუბროთ. თქვენ ამას ეთანხმებით? თქვენ მომხრე ხართ, რომ აქ ლესბოსელი, გეი აქტივისტები და მათი პროპაგანდა იყოს დღის წესრიგში? მაშინ, კი ბატონო, მიბრძაბნდით“, - განაცხადა ზარქუამ.

მისი ცნობით, ამ და სხვა მიზეზების გამო, ბევრი ტოვებს ოპოზიციის რიგებს, ვინაიდან, ადათ-წესებით განთქმული ქართველი „პრაიდთან“ ერთად აქციებს ვერ ჩაატარებს. ზარქუამ ასევე მადლობა გადაუხადა მარშის ორგანიზატორებს, რომ ისინი კიდევ ერთხელ ნათლად უჩვენებენ საზოგადოებას მმართველ პარტიასა და ლგბტ საზოგადოებას შორის.

„გვაქვს ინფორმაცია, რომ ამ მიზეზის და არა მხოლოდ ამ მიზეზის გამო, ბევრმა უარი თქვა ამ პარტიის წევრობაზე, იმიტომ, რომ გაიშიფრნენ. როგორ შეიძლება ქართველი კაცი, თავისი სტუმარ-მასპინძლობით, თავისი ადათ-წესებით განთქმული, ახლა ლგბტ პროპაგანდასთან და მათ „პრაიდთან“ ერთად, აქციას ატარებდეს? ამიტომ, ბევრი ტოვებს [ოპოზიციურ პარტიებს]. რაც შეეხება ორგანიზატორებს, ჩემი აზრით, კარგი ლუსტრაციაა: მათი ადგილი ამათთან ერთად არის და ამის დემონსტრირება ხდება. მადლობა მინდა ვუთხრა ორგანიზატორებს, რომ გვეხმარებიან, კიდევ ერთხელ ვაჩვენოთ საზოგადოებას განსხვავება ჩვენსა და ამ ლგბტ საზოგადოებას შორის. ასე რომ, აბა ჰე, თქვენ იცით, ბიჭებო, კიდევ მიიყვანეთ [ხალხი] შეცდომით და აქაც კი შეურაცხყოფა მიაყენეთ ქართულ საზოგადოებას“, - განაცხადა ირაკლი ზარქუამ.