ექსპერტი სომხეთიდან ზურაბიშვილის განცხადებას „სომხურ კარუსელთან“ დაკავშირებით აკრიტიკებს

30-10-2024

ექსპერტი სომხეთიდან სოსი ტატიკიანი გამოეხმაურა საქართველოს პრეზიდენტის სალომე ზურაბიშვილი განცხადებას, რომლის მიხედვითაც, საქართველოში საპარლამენტო არჩევნები „სომხური კარუსელის“ მეშვეობით გაყალბდა. ტატიკიანის თქმით, მას ზურაბიშვილის საუბრის ასეთი სტილი არ მოსწონს.

მისივე თქმით, სომხეთში 2018 წლიდან უარი თქვეს ასეთი ტიპის დარღვევებზე.

„როგორც სომხური საექსპერტო საზოგადოების წევრს, რომელიც სომხეთისა და საქართველოს ევროპულ ინტეგრაციას უჭერს მხარს, არ მომწონს სალომე ზურაბიშვილის საუბრის სტილი, რომლის თანახმადაც საქართველოში არჩევნები „სომხური კარუსელის“ მეშვეობით გაყალბდა. ასეთ კარუსელებზე უარი ჩვენ ჯერ კიდევ 2018 წელს ვთქვით. საჭირო არ არის განტევების ვაცის ძებნა“, - დაწერა ტატიკიანმა სოციალურ ქსელ X-ში.