ზაალ ანჯაფარიძე: თუ ადრე ვინმე თენგოს მოსაზრებები იყო ოპოზიციის ის ხავსი, რომელსაც ეჭიდებოდნენ თავიანთ კამპანიაში "გაგვიყალბეს," ახლა ნოდარ მელაძის სიუჟეტი გახდა "მაშველი რგოლი." ცოტა ხანში ეს მაშველი რგოლიც დაიჩუტება

3-11-2024

ანალიტიკოსი ზაალ ანჯაფარიძე „ნოდარ მელაძის შაბათის” სიუჟეტს ეხმიანება და აღნიშნავს, რომ ახლა ოპოზიციისთვის მაშველი რგოლი სწორედ ეს სიუჟეტი გახდა.

„თუ ადრე ვინმე თენგოს მოსაზრებები იყო ოპოზიციის ის ხავსი რომელსაც ეჭიდებოდნენ თავიანთ კამპანიაში „გაგვიყალბეს“, ახლა ნოდარ მელაძის სიუჟეტი გახდა მათთვის "მაშველი რგოლი." ცოტა ხანში ეს მაშველი რგოლიც დაიჩუტება და კიდევ რაღაცას ან ვიღაცას მოებღაუჭებიან. თუმცა, ეს პატარა და უინტერესო დეტალებია.

მთავარი „დეტალი" არის რადიკალური ოპოზიციის და მის მარაქაში გარეული ენჯეოების ერთობლივი გზავნილი რომ ამერიკა და ევროპა ოპოზიციას გვერდით უნდა დაუდგნენ. სწორედ ამის იმედით იწყებენ ხვალ საპროტესტო აქციას, და ნუ გაგიკვირდებთ თუ გარკვეული ხნის შემდეგ ოპოზიციის კარვებში ვიხილავთ სტუმრებს ამერიკიდან და ევროპიდან....”,- წერს ზაალ ანჯაფარიძე.