თამარ ჩიბურდანიძე: ოპოზიციის ტელევიზიები უკვე სატელევიზიო ეთერით ასწავლიან ახალგაზრდებს რევოლუციის სტრატეგიას - რომელ ევროპულ ქვეყანაში ხდება სატელევიზიო წვრთნები სახელმწიფო გადატრიალებისთვის?

30-11-2024

„საქართველო ხომ საცდელი ბაზაა ლიბერალებისთვის, აქ ყველაფერი მოსულა, მათ შორის ღიად დაანონსებული რევოლუციები და სატელევიზიო ტრენინგები ახალგაზრდებისთვის“, - წერს სოციალურ ქსელში პარტია „ხალხის ძალის“ წევრი თამარ ჩიბურდანიძე.

ის იმედს გამოთქვამს, რომ ხელისუფლება და შესაბამისი უწყებები სახელმწიფოს დაიცავენ „იმ კოშმარისგან, რაშიც უცხოური ფულით გაზრდილი თაობა გვაცხოვრებს“.

„გაოგნებული ვარ მართლაც ასეთი “დემოკრატიით”. ოპოზიციური ტელევიზიები დილიდან წვრთნიან ახალგაზრდებს პირდაპირი ეთერით, როგორ უნდა შეიმუშაონ რევოლუციური სტრატეგია, ვინ სად უნდა დადგეს აქციაზე, ვინ უნდა შეეჯახოს პოლიციას, რა უნდა ესროლონ და ა.შ. გაოგნებულია მოსახლეობა, რა ხდება ქვეყანაში? რომელ ევროპულ ქვეყანაში გინახავთ სატელევიზიო წვრთნები სახელმწიფო გადატრიალებისთვის?

საქართველო ხომ საცდელი ბაზაა ლიბერალებისთვის, აქ ყველაფერი მოსულა, მათ შორის ღიად დაანონსებული რევოლუციები და სატელევიზიო ტრენინგები ახალგაზრდებისთვის. იმედია, ხელისუფლება და შესაბამისი უწყებები გამოიყვანენ ხალხს ამ შოკიდან და სახელმწიფოს დაიცავენ იმ კოშმარისგან, რაშიც უცხოური ფულით გაზრდილი თაობა გვაცხოვრებს“, - წერს თამარ ჩიბურდანიძე.