სამართლიანად ჩატარდა თუ არა არჩევნები
საბაჟო გამშვები პუნქტი „ყაზბეგი“ ჩვეულ რეჟიმში განაგრძობს მუშაობას - შემოსავლების სამსახური
30-11-2024
საბაჟო გამშვები პუნქტი „ყაზბეგი“ ჩვეულ რეჟიმში განაგრძობს მუშაობას. ამის შესახებ ინფორმაციას ფინანსთა სამინისტროს შემოსავლების სამსახური ავრცელებს.
ცნობისთვის, დარიალის ხეობაში არსებული რთული მეტეოროლოგიური ვითარებიდან გამომდინარე, ,,ყაზბეგის" საბაჟო გამშვებ პუნქტზე შეჩერებული იყო ყველა სახის საბაჟო კონტროლის პროცედურები.
„ფინანსთა სამინისტროს შემოსავლების სამსახური გაცნობებთ, რომ საბაჟო გამშვები პუნქტი ,,ყაზბეგი" ჩვეულ რეჟიმში, სრული დატვირთვით განაგრძობს მუშაობას.
აღნიშნული საბაჟო გამშვები პუნქტის გავლით, საქართველოს საბაჟო საზღვარზე საქონლის შემოტანა-გატანა, აგრეთვე სახელმწიფო საზღვრის გადამკვეთ ფიზიკურ პირთა მიმართ საბაჟო კონტროლის პროცედურები შეუფერხებლად მიმდინარეობს.
შეგახსენებთ, რომ დარიალის ხეობაში არსებული რთული მეტეოროლოგიური ვითარებიდან გამომდინარე, ,,ყაზბეგის" საბაჟო გამშვებ პუნქტზე შეჩერებული იყო ყველა სახის საბაჟო კონტროლის პროცედურები“, - ნათქვამია განცხადებაში.
