სამართლიანად ჩატარდა თუ არა არჩევნები
ცხინვალის რეგიონის გაზიფიცირებას ,,გაზპრომი" განახორციელებს
8-11-2018
რუსეთის ფედერაციის საბჭომ რუსეთსა და ოკუპირებულ სამხრეთ ოსეთს შორის დადებული სს „გაზპრომ - სამხრეთ ოსეთის“ აქციების ყიდვა-გაყიდვის პირობებისა და შემდგომი საქმიანობის შესახებ შეთანხმების რატიფიცირება მოახდინა.
ე.წ. შეთანხმებას ხელი 2018 წლის 24 მაისს მოეწერა და მისი მიზანია „ორ ქვეყანას“ შორის ოკუპირებული სამხრეთ ოსეთის ტერიტორიაზე ბუნებრივი აირის ტრანსპორტირების, განაწილებისა და რეალიზების სფეროში თანამშრომლობა.
სს „გაზპრომ - სამხრეთ ოსეთი“ ოკუპირებულ სამხრეთ ოსეთში ისეთ საქმიანობას განახორციელებს, როგორიც არის გაზის მიწოდება, ტრანსპორტირება, რეალიზება და შენახვა, ასევე გაზის ტრანსპორტირებისა და განაწილების სისტემებისა და გაზის კომპლექსის ინფრასტრუქტურის სხვა ობიექტების მშენებლობა და ექსპლუატაცია.
შეთანხმება 35 წლით დაიდო, რის შემდეგაც მისი გაგრძელება ხუთწლიანი პერიოდით მოხდება.
