ზურაბ ქადაგიძე მიხეილ სააკაშვილს: ამერიკელებმა კი არ გადაგვარჩინეს, ამერიკელებმა გვაომეს და სწორედ ამერიკელებმა შეგიყვანეს 2008 წელს ომში

1-12-2024

„ამერიკელებმა კი არ გადაგვარჩინეს, ამერიკელებმა გვაომეს და სწორედ ამერიკელებმა შეგიყვანეს 2008 წელს მაგ ომში, მათი დავალებით გააკეთე ის რაც გააკეთე!”- წერს “ხალხის ძალის” წევრი ზურაბ ქადაგიძე, რითაც მიხეილ სააკაშვილის ფეისბუქ სტატუსს ეხმიანება, რომელიც ამბობს, რომ სტრატეგიულ პარტნიორობას ამერიკასთან ხელი მოეწერა მისი პრეზიდენტობის დროს და რომ აშშ-მ გადაარჩინა საქართველო 2008 წელს.

როგორც ქადაგიძე წერს, საქართველო აუცილებლად დაიცავს საკუთარ სუვერენიტეტს.

„სააკაშვილს მინდა შევახსენო, ამ ნაძირალას, ამერიკელებმა კი არ გადაგვარჩინეს, ამერიკელებმა გვაომეს და სწორედ ამერიკელებმა შეგიყვანეს 2008 წელს მაგ ომში, მათი დავალებით გააკეთე ის რაც გააკეთე! ახლაც მიზანი იგივე აქვთ, ცდილობენ მოასწრონ, სანამ ადმინისტრაცია შეიცვლება. არაფერი გამოვა მაგ საქმიდან, საქართველო აუცილებლად დაიცავს საკუთარ სუვერენიტეტს, შენ კი სამშობლოს ღალატისთვის ციხეში იქნები ძალიან დიდხანს, ოღონდ „ვივამედის“ პალატაში არა, ციხეში, სადაც შენი ადგილია!”- წერს ზურაბ ქადაგიძე სოციალურ ქსელში.