სამართლიანად ჩატარდა თუ არა არჩევნები
ბათუმის უბნების ყველა ეზოში მწვანე სივრცეები მოეწყობა
12-11-2018
ახალი ინიციატივის - „მწვანე სივრცე ყველა ეზოში“ განხორციელება დაიწყო.
მათივე ინფორმაციით, პროექტი ბათუმის მჭიდროდ დასახლებულ უბნებში ახალი სკვერების მოწყობას და გამწვანებით ღონისძიებებში მოსახლეობის ჩართულობას ითვალისწინებს.
„თამარის დასახლებაში მწვანე სივრცისთვის შერჩეულ ტერიტორიაზე თორნიკე რიჟვაძემდა ლაშა კომახიძემ ხე-მცენარეები ბავშვებთან ერთად დარგეს. თითოეული ნერგი სახელობითი იქნება, რაც პროექტისადმი ინტერესს მოსახლეობის მხრიდან განსაკუთრებით ზრდის. ამ ეტაპზე თამარის დასახლებაში დაირგო 100-მდე მარადმწვანე, ბუჩქოვანი და ყვავილოვანი ნერგი”, - ნათქვამია ინფორმაციაში.
როგორც აჭარის მთავრობის თავმჯდომარემ თორნიკე რიჟვაძემ განაცხადა, ახალი ინიციატივა „მწვანე სივრცე ყველა ეზოში“ გრძელვადიანი პროექტია და ეტაპობრივად, ქალაქის ყველა უბანს მოიცავს.
ბათუმის გამწვანებისა და ლანდშაფტური დაგეგმარების სამსახურის ინფორმაციით, 2019 წლიდან ახალი მწვანე სივრცეების მოსაწყობად 3000-ზე მეტი ნერგია გათვალისწინებული.
