ხარაგაულში, საქასრიის ტყეში ფოთლოვანი ტყის ქვედა საფარი იწვის.
წინასწარი ინფორმაციით, დამწვარია 1 500 მ2 ფართობი.
საგანგებო სიტუაციების მართვის სამსახურის ინფორმაციით, ადგილზე მობილიზებულია ხუთი სახანძრო-სამაშველო ჯგუფი, 25 მეხანძრე-მაშველი და იმერეთის რეგიონის სატყეო დეპარტამენტის თანამშრომლები.
მათივე ცნობით, დასახლებულ პუნქტებზე ხანძრის გავრცელების საშიშროება არ არსებობს.
მიმდინარეობს ხანძრის ლოკალიზება.
