12-11-2018
ქუთაისში, თეთრ ხიდზე ამოტვიფრულ ტერენტი გრანელის ლექსზე შეცდომით ავტორად დაწერილი კოლაუ ნადირაძე წაშალეს და ციტატას რეალური ავტორი მიაწერეს. თუმცა, შეცდომის გამოსწორების შემდეგ ფილაზე ხარვეზებია. ამის შესახებ Kutaisi Post-ი წერს.
„ფილაზე ხარვეზი ამ სახით არ დარჩება და გამოსწორდება,“ - აცხადებენ ქუთაისის მერიაში.
ქუთაისში თეთრი ხიდის სარეაბილიტაციო სამუშაოები ადგილობრივი ბიუჯეტიდან 436 000 ლარით დაფინანსდა. პროექტის ფარგლებში ხიდის ხის საფეხმავლო იატაკი ლითონით ჩანაცვლდა. თავიდან შეიღება მოაჯირი. ხიდზე ასევე ამოიტვიფრა ციტატები, რომელიც თეთრ ხიდსა და ქუთაისს ეხება.
ლექსებს შორის არის ნაწყვეტი ტერენტი გრანელის ლექსიდან „აღსარება ქუთაისს", თუმცა ამ ტექსტს ავტორად კოლაუ ნადირაძე აწერია. ინფორმაცია ამის შესახებ სოციალურ ქსელში ერთ-ერთმა მომხმარებელმა დაწერა.