სამართლიანად ჩატარდა თუ არა არჩევნები
ახალციხის ბიბლიოთეკებს ახალი წიგნები გადაეცათ
13-11-2018
ქალაქ ახალციხის სამ და მუნიციპალიტეტის სოფლების 11 ბიბლიოთეკას ათასამდე მხატვრული, კლასიკური და საბავშვო ლიტერატურა გადაეცა. წიგნები ყველა ასაკობრივი კატეგორიის მკითხველისთვის არის გათვალიწინებული.
როგორც მერიის კულტურულ დაწესებულებათა გაერთიანების დირექტორი, გიორგი ჟუჟუნაძე ამბობს, წიგნების შეძენა მკითხველის ინტერესებიდან გამომდინარე მოხდა.
„ბიბლიოთეკის მენეჯერებს დაევალათ მოკვლევა, თუ რომელი იყო ყველაზე მოთხოვნადი წიგნები მათ ბიბლიოთეკებში და ამის მიხედვით შევიძინეთ. ძირითადად მხატვრული, კლასიკური და საბავშვო ლიტერატურა ჭარბობს“.
ახალი წიგნები ასე გადანაწილდა: ახალციხის ცენტრალური ბიბლიოთეკას 100, საბავშვო ბიბლიოთეკას 93, რაბათის ბიბლიოთეკას 33 და 11 სოფლის ბიბლიოთეკებს კი 70–70 წიგნი გადაეცათ.
გიორგი ჟუჟუნაძის თქმით, მუნიციპალიტეტის კულტურის ცენტრებს ასევე საგრიმიორო სარკეები, ფანდურები, თითო ფოტოაპარატი და გახმოვანების აპარატი უყიდეს.
წიგნების და სხვა ნივთების შესაძენად, ადგილობრივი ბიუჯეტიდან 15 000 ლარამდე დაიხარჯა.
