სამართლიანად ჩატარდა თუ არა არჩევნები
Geo Mandarini: მუმბაის გამოფენის შემდეგ დიდი იმედი გვაქვს ბევრი ტურისტი გვეყოლება ინდოეთიდან
5-02-2025
საქართველოს ტურიზმის ეროვნულმა ადმინისტრაციამ, ინდოეთში, მუმბაიში, აზიაში ერთ-ერთ უდიდეს ტურისტულ გამოფენაში მიიღო მონაწილეობა.
საქართველო OTM 2025-ზე დიდი დელეგაციით და ეროვნული სტენდით წარდგა. საერთაშორისო ტურისტულ გამოფენაზე, ტურიზმის ეროვნულ ადმინისტრაციასთან ერთად, საქართველოდან 45-მდე კერძო კომპანია მონაწილეობდა. გამოფენის მნიშვნელობაზე საუბრობს კომპანია Geo Mandarini-ის წარმომადგენელი ქეთი ძებისაშვილი.
„ძალიან ვეჭვობდით სანამ წამოვიდოდით ამ გამოფენაზე, რომ არ იქნებოდა გამოხმაურება და ინტერესი საქართველოს მიმართ, მაგრამ ძალიან დიდი ინტერესია, ბევრს აინტერესებს MICE მიმართულება. რაც შეეხება გამოხმაურებას, ერთ-ერთ კომპანიასთან უკვე დავამყარეთ კონტაქტი, გამოგვიგზავნეს მოთხოვნაც და შესაბამისად გამოფენის შემდეგ დიდი იმედი გვაქვს თანამშრომლობა შედგება და ინდურ ბაზარზე შევალთ, ინდური ბაზარიც შემოვა და ბევრი ტურისტი გვეყოლება ინდოეთიდან“, - განაცხადა ქეთი ძებისაშვილმა.
OTM 2025-ზე, 60-ზე მეტი ქვეყნიდან 1600 ტურისტული კომპანია და ორგანიზაცია იყო წარდგენილი. მუმბაის ტურისტულ გამოფენას 40 ათასზე მეტი ვიზიტორი ეწვია.
ინფორმაციას საქართველოს ტურიზმის ეროვნულმა ადმინისტრაცია ავრცელებს.
