ნიკოლოზ მეტრეველი: ოპოზიცია თუ იქნება ხელისუფლებაში, მზად იქნებიან, სანქციები დაუწესონ რუსეთს, დაიწყონ ომი, მოკლედ, ამერიკა თუ გვიბრძანებს, ჩვენ მზად ვართ, ჩავიხადოთო - ამას გულისხმობს მევახშე ხაზარაძის განცხადება

6-02-2025

ანალიტიკოსი ნიკოლოზ მეტრეველი „ლელოს“ ლიდერის მამუკა ხაზარაძის განცხადებას ეხმიანება, რომლის თანახმად, ამერიკის შეერთებულმა შტატებმა თავისი გეოპოლიტიკური ინტერესების დასაცავად საქართველოს ხელისუფლებაზე, რომელიც, ხაზარაძის თქმით, „არალეგიტიმური, პროირანული და პროჩინურია“, ზეწოლა უნდა განახორციელოს.

მეტრეველის შეფასებით, ხაზარაძის განცხადების ქვეტექსტი სინამდვილეში მდგომარეობს იმაში, რომ ხელისუფლებაში მოსვლის შემთხვევაში, დღევანდელი ოპოზიცია მზადაა, რუსეთს სანქციები დაუწესოს, ომი დაიწყოს და რასაც აშშ უბრძანებს, ყველაფერი გააკეთოს.

„მამუკა ხაზარაძე: აშშ-მა უნდა განახორციელოს ზეწოლა „ქართული ოცნების“ არალეგიტიმურ პროირანულ და პროჩინურ რეჟიმზე, რათა დაიცვას საკუთარი გეოპოლიტიკური ინტერესები. სინამდვილეში რა იმალება ხაზარაძის ამ განცხადების უკან: ოპოზიცია თუ იქნება ხელისუფლებაში, ისინი მზად იქნებიან, სანქციები დაუწესონ რუსეთს, დაიწყონ ომი, გადასცენ საქართველოს ყველა წიაღისეული რესურსები ამერიკას. უფრო მოკლედ და გასაგებად - რამბალ კოშე (ანუ ამერიკა) თუ გვიბრძანებს, დღევანდელი ხელისუფლებისგან განსხვავებით, ჩვენ მზად ვართ, ჩავიხადოთო. აი, ამას გულისხმობს მევახშე ხაზარაძის განცხადება“, - წერს ნიკოლოზ მეტრეველი სოციალურ ქსელში.