სამართლიანად ჩატარდა თუ არა არჩევნები
ოკუპირებულ აფხაზეთში პირველი თოვლი მოვიდა
16-11-2018
ოკუპირებული აფხაზეთის სამთო კურორტ აუათხარაში პირველი თოვლი მოვიდა და საფარმა 40 სანტიმეტრს მიაღწია.
ადგილობრივი პანსიონატის ე.წ. მმართველის ასტან არისთავას ინფორმაციით, წელს ზამთრის სეზონი ერთი თვით უფრო გვიან დაიწყო.
"მანამდე, პირველი თოვლი სექტემბრის ბოლოს მოდიოდა ხოლმე და შემდეგ, უკვე საფუძვლიანად ოქტომბერში თოვდა", - უთხრა მან ინტერნეტგამოცემა „აიაირას“.
მისივე თქმით, ადამიანები უამინდობის პირობებშიც ადიან აუათხარაში პირველი თოვლის სანახავად, თუმცა, მისი თქმით, ეს უსაფრთხო არ არის.
"ეს ძალიან სახიფათოა, რადგან ბევრი არ არის მზად ზამთრის სეზონისთვის, მათ ჯერ არ აქვთ ზამთრის საბურავები და მაღლობზე რთულია ასვლა. თოვამ შესაძლოა, ხეები წააქციოს. აი, მაგალითად, დღეს, აუათხარასკენ მიმავალი მანქანა გადაბრუნდა. საბედნიეროდ, არავინ დაშავებულა“, - დასძინა მან.
არისთავა, ასევე ამბობს, რომ პანსიონატი „აუათხარა“ ჯერ არ არის მზად სტუმრების მისაღებად.
ოკუპირებული აფხაზეთის მთებსა და მთისპირა სოფლებში 19 ნოემბრამდე ითოვებს.
