„ნაცმოძრაობის“ რეჟიმის დაზარალებული ბიზნესმენი ახვლედიანი: ღამის 01:00-02:00 საათის ფარგლებში ვაკეში ნოტარიუსი იყო ციური ბერიძე, მასთან წამიყვანეს, გაფორმდა ჩემი განცხადება - ნოტარიუსმა მითხრა, ნუ ნერვიულობთ, თქვენ ხართ დღეს მეთხუთმეტეო

3-04-2025

ეტყობა ზედმეტად ჩამთვალეს, ან ეცოტავათ თავიანთი წილი, ამიტომ მაიძულეს, კიდევ ერთხელ ვიძახი ეს ყველაფერი იყო ჩემი ნების საწინააღმდეგოდ დაწერილი განცხადება, ერთადერთი რის ჩაწერაც მათთან შეთანხმების გარეშე შევძელი და ეტყობა ეს ეჩქარებოდათ, იმიტომ რომ, სადღაც 10-11 საათი იყო განცხადების დაწერა რომ დავიწყე, არც წაუკითხავთ, იქ ჩავუწერე, რომ გიბრუნებთ ყველაფერს კომპენსაციის სანაცვლოდ, ანუ ეს იყო პირობითი მომეცით ის, რაც დახარჯული მაქვს და კი ბატონო, იძულებული ვარ დავთმო ეს პროცესი,- განაცახდა „ნაციონალური მოძრაობის“ რეჟიმის მიერ დაზარალებულმა ბიზნესმენმა, რამაზ ახვლედიანმა 2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე.

რამაზ ახვლედიანის თქმით, ფინანსური პოლიციიდან მანქანით წაიყვანეს შუაღამისას ვაკეში, ჭავჭავაძეზე არსებულ სანოტარო ბიუროში, სადაც იძულების წესით დაწერილი განცხადება გააფორმებინეს.

„ღამის 01:00 საათამდე არ ვიცი რას აკეთებდნენ, ალბათ ესეც წამების ერთ-ერთი მეთოდი იყო იქ ვყავდი კაბინეტში გამოკეტილი. ღამის 01:00 საათიდან 02:00 საათის ფარგლებში ვაკეში, ჭავჭავაძეზე, ნოტარიუსი იყო ქალბატონი ციური ბერიძე, ჩამისვეს თავიანთ მანქანაში და მასთან წამიყვანეს. სადაც გაფორმდა ჩემი დაწერილი განცხადება და იმ ადამიანმა ალბათ შემატყო, რომ, ნოტარიუსი მყავს მხედველობაში, ვნერვიულობდი, ბატონო რამაზ ნუ ნერვიულობთ თქვენო ხართ დღეს მეთხუთმეტეო, ხიზანიშვილს მიუტრიალდა და [ირონიულად] ჰკითხა სად პოულობ ამდენ პატრიოტსო, რომ ასეთი სიხარულით მოდიან და ნოტარიულად აფორმებენ აქ ხელშეკრულებასო.

დამაბრუნეს ფინანსურ პოლიციაში. იქაც უკვე ასეთი თემა იყო, რომ ჭკვიანად უნდა ვყოფილიყავი, რომ არაფერი ზედმეტი მოძრაობა, არავისთან არაფერი, მითუმეტეს ტელევიზია და განსაკუთრებით ოპოზიციისთვის არ მიმემართა, თორემ ის სისხლის სამართლის საქმე, რომელიც დღემდე არ ვიცი რა არის, ან რატომ აღძრეს, არც წარმოუდგენიათ ჩემთვის არაფერი, ამუშავდებოდა და მივიღებდი იმას რასაც სხვა ვერ გადაურჩა, ანუ ციხეში გაშვებას. სახლში რომ დავბრუნდი ალბათ იქნებოდა 4-5 საათი.

შემიძლია გითხრათ, რომ საკმაოდ ისეთი დღე იყო, რომელმაც არა მარტო ფინანსურად დაატყო ჩემს მდგომარეობას, არამედ ფიზიკურადაც,- განაცხადა რამაზ ახვლედიანმა.