სამართლიანად ჩატარდა თუ არა არჩევნები
ნინო წილოსანი: მივესალმებოდი ფრანგი სამართალდამცავების გადაწყვეტილებას დაეცვათ წესრიგი, რომ ვიცოდე, ობიექტურები იქნებოდნენ ჩვენ მიმართაც, რაც სხვის შემთხვევაში კანონის დაცვაა, ჩვენს შემთხვევაში დასანქცირების საფუძველია
2-05-2025
პარლამენტის თავმჯდომარის მოადგილე ნინო წილოსანი პარიზში გამართულ დემონსტრაციებს ეხმიანება და სოციალურ ქსელში აქციის დარბევის კადრებს აქვეყნებს.
მისი თქმით, ის, რაც სხვის შემთხვევაში კანონის დაცვაა, ჩვენს შემთხვევაში დასანქცირების საფუძველია.
„ერთი ჩვეულებრივი დღე პარიზში...
მივესალმებოდი ფრანგი სამართალდამცავების გადაწყვეტილებას დაეცვათ წესრიგი - რომ ვიცოდე, ადეკვატური და ობიექტური შეფასებები ექნებოდათ ჩვენს მიმართაც. თუმცა ის, რაც სხვის შემთხვევაში კანონის დაცვაა, ჩვენს შემთხვევაში დასანქცირების საფუძველია თან მოდით, ნუ შევადარებთ ხელფასების, საპენსიო რეფორმის გაუქმების მოთხოვნით გამოსულ პროფკავშირების აქციას და ხელისუფლების დამხობის მიზნით დაფინანსებულ რადიკალებს
ინფორმაციისთვის - პარიზის პოლიციის ცნობით, ხუთშაბათს, პირველი მაისის დემონსტრაციის დროს, საფრანგეთის დედაქალაქში 50-მდე ადამიანი დააკავეს“- წერს ნინო წილოსანი.
