სამართლიანად ჩატარდა თუ არა არჩევნები
შემოსავლების სამსახური: უნაღდო ანგარიშსწორებით, საქონლის/მომსახურების მიწოდებისას ღირებულების თანხის მისაღებად, სხვა პირის პერსონალური ან საბანკო მონაცემების გამოყენება/შეთავაზება დაუშვებელია
7-05-2025
უნაღდო ანგარიშსწორებით, საქონლის/მომსახურების მიწოდებისას ღირებულების თანხის მისაღებად, სხვა პირის პერსონალური ან საბანკო მონაცემების გამოყენება/შეთავაზება დაუშვებელია, - აღნიშნულის შესახებ ინფორმაციას შემოსავლების სამსახური ავრცელებს.
უწყება განმარტავს, რომ აღნიშნული ქმედება წარმოშობს გადასახადების გადახდისგან თავის არიდების რისკებს.
„ფინანსთა სამინისტროს შემოსავლების სამსახური გაცნობებთ, რომ საგადასახადო მონიტორინგის დეპარტამენტის წარმომადგენლების მიერ, მთელი ქვეყნის მასშტაბით განხორციელდა მიმდინარე კონტროლის პროცედურები, რა დროსაც გამოვლენილი იქნა მეწარმე სუბიექტების მხრიდან, მომხმარებელთან უნაღდო ანგარიშსწორებისას, საქონლის მიწოდების/მომსახურების გაწევის ღირებულების თანხის მიღების მიზნით, სხვა უცხო ფიზიკური პირის პერსონალური ან საბანკო მონაცემების გამოყენებისა და შეთავაზების შემთხვევები.
შემოსავლების სამსახური მეწარმე სუბიექტებს შეახსენებს, რომ აღნიშნული ქმედება წარმოშობს გადასახადების გადახდისგან თავის არიდების რისკებს და მოუწოდებს მათ, თავი შეიკავონ უნაღდო ანგარიშსწორების პროცესში გამოიყენონ სხვა პირის პირადი ან საბანკო მონაცემები“, - ნათქვამია შემოსავლების სამსახურის ინფორმაციაში.
