სამართლიანად ჩატარდა თუ არა არჩევნები
მიხეილ სააკაშვილი: დღეს ზურაბიშვილი ერთობის აუცილებლობაზე საუბრობს; შარშან როცა იგივეს ვამბობდი, ქ-ნი სალომე აცხადებდა, რომ "ერთობა არის შემოგდებული თემა"...
3-07-2025
„მიხარია იმის მოსმენა, რომ სალომე ზურაბიშვილი საუბრობს ერთობის აუცილებლობაზე.
როდესაც მე შარშან იგივეს ვამბობდი, ქ-ნი სალომე აცხადებდა "ერთობა არის შემოგდებული თემა", სჯობს გვიან ვიდრე არასდროს!“ - ამის შესახებ საქართველოს მესამე პრეზიდენტი, ამჟამად პატიმრობაში მყოფი მიხეილ სააკაშვილი სოციალურ ქსელში წერს.
„საერთოდ, ამ რუსული რეჟიმის მიერ შემოგდებულმა და ბევრის მიერ ატაცებულმა თემამ - "მოვა მიშა და შეგვჭამს" ძალიან დახია უკან ჩვენი ბრძოლა საქართველოს თავისუფლებისთვის.
მხოლოდ ყველა პოლიტიკური აქტორის ერთობა და რაც მთავარია საზოგადოების აქტიური ნაწილის თვითორგანიზება მიგვიყვანს რეჟიმის დემონტაჟამდე.
ჯერჯერობით ახალ-ახალი რეპრესიებით ეს პროვინციული ტირანია ამოწმებს წინააღმდეგობის მოძრაობის სიმტკიცეს, იმის მაგივრად ჩვენ ვამოწმებდეთ მათ სიმტკიცეს, რეჟიმში გაჩენილი ბზარების ფონზე“ - აცხადებს სააკაშვილი.
