სამართლიანად ჩატარდა თუ არა არჩევნები
ხონის მუნიციპალიტეტში ხე-ტყის უკანონო მოპოვების ორი ფაქტი გამოვლინდა
8-07-2025
იმერეთის სატყეო სამსახურის თანამშრომლებმა, ხონის მუნიციპალიტეტში ხე-ტყის უკანონოდ მოპოვების 2 ფაქტი გამოავლინეს. სოფელ კინჩხაში, სახელმწიფო ტყეში აღმოჩენილია, ჯამში, 16 კუბურ მეტრამდე სამასალე მერქანი - წიფელი, მურყანი, ასევე წაბლი, რომელიც წითელი ნუსხითაა დაცული; შესაბამისად, საქმე შეიცავს სისხლის სამართლის დანაშაულის ნიშნებს. მასალები, შემდგომი რეაგირების მიზნით, გადაეცა შესაბამის საგამოძიებო უწყებას, ხოლო უკანონოდ მოპოვებული ხე-ტყე გადატანილია ხონის საქმიან ეზოში.
„იმერეთის სატყეო სამსახურის თანამშრომლებმა, 2025 წლის იანვარ-ივნისის თვეში სამართალდარღვევის 28 ფაქტი გამოავლინეს, ხოლო, 2024 წლის ამავე პერიოდში გამოვლენილი იყო 86 ფაქტი. მნიშვნელოვანია აღინიშნოს, რომ სამართალდარღვევების რაოდენობა გასულ წელთან შედარებით მკვეთრად შემცირდა, რაც პატრულირებასთან ერთად, თანამედროვე ტექნოლოგიების - დრონებისა და ვიდეოხაფანგების გამოყენებით, კონტროლის შედეგია“, - აღნიშნა ეროვნული სატყეო სააგენტოს უფროსმა, კახა ცერცვაძემ.
