მოშე კლუგჰაპტი: კვლევებით ჩანს, როდესაც სააკაშვილი გვირტყამს, ჩვენ მნიშვნელოვნად ვძლიერდებით, ასე რომ ძალიან ვთხოვ, დაგვარტყით

21-11-2018

„მე მიმუშავია ძალიან ბევრ მსოფლიო ლიდერთან, ყოველთვის ერთი და იგივეა, როდესაც კანდიდატზე სათქმელი არაფერი აქვთ, უტევენ მრჩეველს“-ეს განცხადება პრეზიდენტობის დამოუკიდებელი კანდიდატის, სალომე ზურაბიშვილის პიარტექნოლოგმა მოშე კლუგჰაპტმა ტელეკომპანია „იმედთან“ საუბრისას გააკეთა.

„გავიგე რაც თქვა სააკაშვილმა, მოვისმინე მისი ანტისემიტური განცხადებები, არ მომეწონა მაგრამ რა გითხრათ, მისი მმართველობის პერიოდისგან განსხვავებით დღეს საქართველოში არის სიტყვისა და გამოხატვის თავისუფლება. კვლევებში ჩვენ ვხედავთ, რომ ყოველ ჯერზე როდესაც სააკაშვილი გვირტყამს, ჩვენ მნიშვნელოვნად ვძლიერდებით. ასე რომ რა შემიძლია ვთქვა, შემიძლია მხოლოდ ძალიან ვთხოვო, გთხოვთ, დაგვარტყით“-აცხადებს კლუგჰაპტი.