ბათუმში მომხდარი აფეთქების შედეგად მუნიციპალიტეტს 128 ათასი ლარის ზიანი მიადგა

12-12-2017

ბათუმში, ახლვედიანის ქუჩაზე მომხდარი აფეთქების შედეგად მუნიციპალიტეტს 128 ათასი ლარის ზიანი მიადგა. ამის შესახებ „ინტერპრესნიუსთან“ საუბრისას ბათუმის მერიაში განაცხადეს. 

„ზარალის ოდენობა 128 ათას ლარს შეადგენს. ველოდებით გამოძიების შედეგებს“,- განაცხადეს ბათუმის მერიაში. 

ბათუმში, ახვლედიანის ქუჩაზე ორი დღის წინ მომხდარი აფეთქების შედეგად 7 ადამიანი დაშავდა, აფეთქების შედეგად დაახლოებით 9 ოჯახი დაზარალდა. წინასწარი ინფორმაციით, აფეთქება ბუნებრივმა აირმა გამოიწვია. მომხდარზე გამოძიება სისხლის სამართლის კოდექსის 229-ე მუხლის პირველი ნაწილით დაიწყო, რაც გაზის მოხმარების წესების დარღვევას გულისხმობს.

ბათუმში ახვლედიანის ქუჩაზე აფეთქების შედეგად დაზარალებულები ხელისუფლებას დროული დახმარებისკენ მოუწოდებენ.

წყარო: "ინტერპრესნიუსი"