დუშეთში საქველმოქმედო სამედიცინო აქცია ჩატარდება

22-11-2018

მიმდინარე წლის 25 ნოემბერს, ვეტერანების საქმეთა სახელმწიფო სამსახურის ორგანიზებით და დუშეთის მუნიციპალიტეტის მერიის მხარდაჭერით, ურთიერთთანამშრომლობის მემორანდუმის ფარგლებში, რეგიონში მცხოვრებ ვეტერანებს, მათი ოჯახის წევრებს და სოციალურად დაუცველ პირებს, აკადემიკოს გ.ჩაფიძის სახელობის გადაუდებელი კარდიოლოგიური ცენტრის ექიმები, კარდიოლოგიური პროფილის უფასო სამედიცინო მომსახურებას (ექიმი-სპეციალისტის კონსულტაცია, ელექტროკარდიოგრაფია, გულის ექოსკოპიური და ლაბორატორიული კვლევები) გაუწევენ.

საქველმოქმედო სამედიცინო აქცია დაიწყება 10:00 საათზე. 

მისამართი: ქ.დუშეთი, სტალინის ქ. 71, კლინიკა ‘’ჯეო-ჰოსპიტლის’’ სამედიცინო ცენტრი.

შეგახსენებთ, ურთიერთთანამშრომლობის მემორანდუმი, ვეტერანების საქმეთა სახელმწიფო სამსახურსა და აკადემიკოს გ.ჩაფიძის გადაუდებელი კარდიოლოგიის ცენტრს შორის, 2017 წლის აპრილში გაფორმდა, რომლის ფარგლებშიც, უფასო სამედიცინო აქციები, მთელი საქართველოს მასშტაბით, პერმანენტულად ტარდება.