ხაშურში ახალი საავადმყოფო გაიხსნა

23-11-2018

ხაშურში ახალი საავადმყოფო გაიხსნა. 3,5 მილიონი ლარი მრავალპროფილური კლინიკური საავადმყოფოს მშენებლობა-აღჭურვილობაზე დაიხარჯა.

მუდმივ სამუშაოზე კლინიკაში დასაქმდა 227 ადამიანი, ხოლო მშენებლობაზე დასაქმებული იყო 300-მდე ადგილობრივი მცხოვრები. პაციენტებს სამედიცინო სერვისებით სარგებლობა 24 საათის განმავლობაში შეეძლებათ, მათ შორის ნეიროქირურგიული, ონკოქირურგიული, კარდიოლოგიური, ნევროლოგიური და
ტრავმატოლოგიური სერვისებია.

უკვე დამონტაჟებულია და სულ მალე ამოქმედდება კარდიოინვაზიური სამსახურიც.ხაშურის კლინიკურ საავადმყოფოში სულ სხვადასხვა პროფილის 46 ექიმი გაუწევს დახმარებას პაციენტებს.

imedinews.ge