სამართლიანად ჩატარდა თუ არა არჩევნები
ადამიანის უფლებების სწავლება დოკუმენტური ფილმებით - ახალი პროექტი გორის მუნიციპალიტეტში
26-11-2018
გორში, ადამიანის უფლებების შესახებ, დოკუმენტური ფილმების ჩვენება დაიწყო. პირველ ღონისძიებას გორის გ.მთაწმინდელის სკოლა ლიცეუმმა უმასპინძლა, სადაც მოზარდებმა ფილმი „ბრისტოლის ველოსიპედის პროექტი“ ნახეს. ფილმის ძირითადი თემა ადამიანის უფლებებს ეხება და ლტოლვილების, ასევე მიგრანტების პრობლემებს წარმოაჩენს.
ფილმი 2009 წელსაა გადაღებული და მისი ავტორი ელისტერ ოლდჰემია. „ბრისტოლის ველოსიპედის პროექტი“-საზოგადოებისგან ძველ და უსარგებლო ველოსიპედებს აგროვებს, რომლებსაც შეკეთების შემდეგ პოლიტიკურ დევნილებს და ტავშესაფრის მაძიებლებს გადასცემენ. ეს ერთის მხრივ სტიმული, მეორეს მხრივ კი სატრანსპორტო საშუალებაა სიღარიბის ზღვარზე მყოფი ადამიანებისთვის. ველოსიპედის ქონა მცირე თავისუფლებას ანიჭებს ადამიანებს იმ ყოფაში , სადაც არცევანის მწირისაშუალება არსებობს. -წერია ფილმის აღწერაში.
დამამთავრებელი კლასების მოსწავლეები ფილმის ჩვენების ბოლოს ამბობდნენ, რომ ადამიანის უფლებების შესახებ დღეს მნიშვნელოვანი ინფორმაცია მიიღეს, რაც მათივე თქმით ყოველდღიურ ცხოვრებაში გამოსაყენებელია.
ფროექტს, რომელის ფარგლებშიც აღნიშნული შეხვედრა მოეწყო გორის მუნიციპალიტეტში მეგობრობის ხიდი „ქართლოსი“ ჩეხური ორგანიზაციის „ადამიანი გაჭირვებაში“ მხადაჭერით ახორციელებს.
„ფილმების ჩვენებების მიზანი მუნიციპალიტეტებში ახალგაზრდებთან მომუშავე არასამთავრობო ორგანიზაციების შესაძლებლობის გაძლიერებაა, რათა მათ პრაქტიკაში გამოიყენონ დოკუმენტური ფილმებით ადამიანის უფლებების სწავლე-ბის მეთოდოლოგია. გარდა ამისა, ვიმედოვნებთ, რომ ღონისძიებებში მონაწილე ახალგაზრდები გახდებიან მთავარი მოქმედი პირები თავიანთ თემებში ადამიანის უფლებების ხელშეწყო¬ბისთვის.“-აღნიშნავს შეხვედრის ორგანიზატორი ლელა მაზმიშვილი.
ადამიანის უფლებების შესახებ სულ 19 ფილმს აჩვენებენ. ფილების ჩვენებები გაიმართება გორში, ფხვენისში, ყელქცეულში, სკრასა და ხურვალეთში.
