სამართლიანად ჩატარდა თუ არა არჩევნები
ახალციხეში ახლადდაგებული ასფალტი ცხაურების მოსაწყობად გაჭრეს
26-11-2018
ახალციხეში, რუსთაველის ქუჩაზე, სამცხე–ჯავახეთის უნივერსიტეტის პირველ კორპუსთან გზის მშენებელმა კომპანიამ ასფალტი ჯერ დააგო, მერე კი ცხაურების მოსაწყობად გადათხარა.
რუსთაველის ქუჩაზე გზის სამშენებლო სამუშაოებს ახალციხის მერიის მიერ გამოცხადებულ ტენდერში გამარჯვებული კომპანია „საგზაო სამშენებლო სამმართველო N2“ ახორციელებს. კომპანიაში აცხადებენ, რომ ცხაურების მოწყობა უნივერსიტეტის მოპირდაპირე მხარეს თავიდანვე გათვალისწინებული იყო, თუმცა პროექტის განსაზღვრულ ადგილზე მათი გაკეთება შეუძლებელი გახდა.
„იქ, სადაც ცხაურების მოწყობა პროექტით იყო გაწერილი, ფიზიკურად ვერ გავჭერით, რადგან ინტერნეტის კაბელები გადიოდა და ამიტომ შეიცვალა პროექტი და მოუწია სხვა ადგილას გაკეთება“, – გვითხრა მშენებელი კომპანიის დირექტორმა ავთანდილ კაჭკაჭიშვილმა.
ახალციხის მერიასა და მშენებელ კომპანიაში აცხადებენ, რომ სამშენებლო სამუშაოები გზის აღნიშნულ მონაკვეთზე ჯერ ისევ მიმდინარებს და წლის ბოლომდე დასრულდება. ამ პერიოდში დაზიანებული გზის მონაკვეთიც აღდგება.
