სამართლიანად ჩატარდა თუ არა არჩევნები
მამუკა ბახტაძე: თითოეული ამომრჩევლის ხმა იქნება დაცული
27-11-2018
საქართველოს პრემიერ-მინისტრის, მამუკა ბახტაძის განცხადებით, საპრეზიდენტო არჩევნების მეორე ტურში თითოეული ამომრჩევლის ხმა დაცული იქნება.
პრემიერმა დღეს სპეციალური განცხადება გააკეთა და მოქალაქეებს არჩევნებში აქტიურობისკენ მოუწოდა.
„ხვალ ჩვენ ქვეყანაში ტარდება საპრეზიდენტო არჩევნების მე-2 ტური. თავისუფალი და დემოკრატიული არჩევნები 2012 წლიდან ჩვენი ხელისუფლების პირობებში ტადიციად იქცა და ქართველი ხალხის ამ მონაპოვარს ჩვენი ხელისუფლებაყოველთვის დაიცავს. ხვალ, თიოთოეულ ამომრჩეველს ექნება საშუალება გააკეთოს თავისუფალი არჩევანი საკუთარი მოსაზრებისა და სინდისის კარნახით, მისცეს ხმა მისთვის სასურველ კანდიდატს. თითოეული ამომრჩევლის ხმა იქნება დაცული და ეს ჩვენი ხელისუფლების მტკიცე პოლიტიკური ნებაა.
მოგეხსენებათ, რომ არჩევების დღე, 28 ნოემბერი უქმე დღედ გამოვაცხადეთ. მოვუწოდებთ ჩვენს მოქალქეებს გამოიჩინონ აქტიურობა, მოიხადონ მოქალაქეობრივი ვალი ქვეყნის წინაშე. ყველა მივიდეთ არჩევნებზე და გააკეთოთ სასურველი არჩევანი. ასევე, მივმართავ ყველა დამსაქმებელს, ხელი შეუწყოს, რომ თითოეულ ჩვენს მოქალაქეს მიეცეს არჩევნებში მონაწილეობის საშუალება და არ შეეზღუდოთ კანონით გათვალისწინებული უფლება,“ - განაცხადა მამუკა ბახტაძემ.
