სამართლიანად ჩატარდა თუ არა არჩევნები
რუსთავის 7 საარჩევნო უბანზე დარღვევა გამოვლინდა
28-11-2018
რუსთავის 84 საარჩევნო უბდიდან, ამ დროისთვის დარღვევა 7 უბანზე გამოვლინდა.
იდენტიფიცირებულია 9 მოქალაქე,რომლებიც უბანზე შესვლას და ხმის მიცემას ორმაგი მარკირებით ცდილობდნენ.როგორც თვითმხილველები ამბობენ,ისინი ერთიანი ნაციონალური მოძრაობისა და ევროპული საქართველოს კოორდინატორებთან ერთად იმყოფებოდნენ.
ორმაგი მარკირებით უბნებზე შესვლა რუსთავის 37-ე ,39-ე,17-ე ,56-ე ,26-ე,16-ე და 55-ე უბნებზე დაფიქსირდა.
დღეს საქართველო მეხუთე პრეზიდენტს ირჩევს.
საპრეზიდენტო არჩევნებისთვის 73 საარჩევნო ოლქში გახსნილია 3 637 და გამონაკლის შემთხვევაში შექმნილი 11 საარჩევნო უბანი. საზღვრებს გარეთ გახსნილი უბნების რაოდენობა 55-ია. არჩევნების მეორე ტურისთვის ამომრჩეველთა საერთო რაოდენობაა 3 528 658.
28 ნოემბერი, საპრეზიდენტო არჩევნების მეორე ტური საქართველოში უქმე დღეა.
2018 წლის საპრეზიდენტო არჩევნების მეორე ტურის საბოლოო შედეგებს შეგიძლიათ გაეცნოთ ამ ბმულზე.
