სალომე ზურაბიშვილი: ხმა ყველაზე ევროპელ კანდიდატს მივეცი

28-11-2018

მმართველი გუნდისაგან მხარდაჭერილი დამოუკიდებელი საპრეზიდენტო კანდიდატის, სალომე ზურაბიშვილის განცხადებით, მან ხმა დღეს ყველაზე ევროპელ კანდიდატს მისცა.

„მე ჩემი არჩევანი, ჩემი ხმა ყველაზე ევროპელ კანდიდატს მივეცი. ჩემი არჩევანი არის მშვიდობიანი, ერთიანი, დაწყნარებული და ღიმილიანი საქართველო“, - განაცხადა სალომე ზურაბიშვილმა.

საქართველოს მეხუთე პრეზიდენტის ვინაობა დღეს არჩევნების მეორე ტურის შედეგების მიხედვით გაირკვევა.

მოსახლეობა არჩევანს დამოუკიდებელ კანდიდატ, სალომე ზურაბიშვილსა და „ნაციონალური მოძრაობის“ კანდიდატ, გრიგოლ ვაშაძეს შორის აკეთებს.