ამ დროისთვის საახალწლო დეკორაციებისა და განათებების ნაწილი დამონტაჟებულია დადიანების სასახლის ეზოში.
საახალწლოდ მოირთვება ზვიად გამსახურდიას გამზირი, აღმაშენებლისა და რუსთაველის ქუჩები, ცენტრალური მოედანი, ბულვარის ტერიტორია, ბულვარის შიდა ტერიტორია, დადიანების სასახლეთა ისტორიულ-არქიტექტურულ მუზეუმის კარიბჭემდე მისასვლელი გზა, მუზეუმის ეზო, მუზეუმში არსებული მარადმწვანე მცენარეები, ნიკოსეულ სასახლესთან მდგარი ნაძვის ხე და მუზეუმის ეზოში ლამპიონები.
მთავარი საახალწლო ნაძვის ხე კი სკეიტ პარკში დაიდგმება.იქვე გაიმართება ძირითადი საახალწლო ღონისძიება და დამონტაჟდება „ანგელოზის“ კონსტრუქციაც.
საახალწლო პერიოდში დაგეგმილია სხვადასხვა გასართობი და კულტურული ღონისძიებების ჩატარება. პარალელურად მოეწყობა „საშობაო ბაზრობა“, საახალწლო თემაზე შექმნილი ნივთების გამოფენა-გაყიდვა. ღონისძიებაში მონაწილეობას მიიღებს რეგიონის ყველა მუნიციპალიტეტი.
ადგილობრივი ბიუჯეტიდან საახალწლო დეკორაციებისთვის ზუგდიდის ადგილობრივი ბიუჯეტიდან 327 ათასამდე ლარი გამოიყო.
