მესტია-ჰაწვალის ახალი საბაგირო 23 დეკემბერს გაიხსნება

14-12-2017

ზამთრის სეზონთან დაკაშირებით მესტია-ჰაწვალის ახალი საბაგირო 23 დეკემბერს გაიხსნება. 
ეკონომიკის სამინისტროს ინფორმაციით, ეს საბაგირო ერთმანეთთან მესტიის ცენტრსა და მთას დააკავშირებს. 
როგორც უწყებაში აცხადებენ, ეს ერთ-ერთი ყველაზე პრიორიტეტული პროექტია, რაც კურორტის პოტენციალს მნიშვნელოვნად გაზრდის, რადგან მესტიის ცენტრიდან პირდაპირ საბაგიროთი ჰაწვალის კურორტთან დაკავშირება ძალიან კომფორტული და მოსახერხებელია. 
მესტია-ჰაწვალის ახალი საბაგიროს მშენებლობა მიმდინარე წლის ზაფხულში დაიწყო და მას მსოფლიოში ერთ-ერთი წამყვანი ავსტრიული კომპანია „დოპელმაიერი“ ახორციელებს. 
საბაგიროს სიგრძე 1200 მეტრია და ის 6 ადგილიანი, ღია სავარძლის ტიპისაა.