მიხეილ ბატიაშვილი ზუგდიდის მე-6 სკოლაზე: დიახ, ჩვენ უნდა მოვახდინოთ რეაგირება ამგვარ საჩივარზე და ეს ჩვენი მოვალეობაა

7-02-2019

საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა, განათლების, მეცნიერებისა და კულტურის კომიტეტის სხდომაზე, დეტალურად ისაუბრა თუ რა გახდა ზუგდიდის მე-6 საჯარო სკოლის შემოწმების მიზეზი:

„ზუგდიდის მე-6 საჯარო სკოლის შესახებ განცხადება სამინისტროში 2018 წლის 8 ნოემბერს შემოვიდა. განცხადებაში მითითებული იყო ინფორმაცია სკოლაში არსებული სანიტარულ-ჰიგიენური ნორმების, კომერციული საქმიანობის და სხვა კანონებისა და წესების მძიმე დარღვევის ფაქტების, ასევე, სახელმწიფო ქონების განკარგვის შესახებ, კერძოდ კი - თითქოს იჯარის და ქირის შემოსავლის მიღება უნდოდა ადმინისტრაციას. აღნიშნულს და განცხადებაში მითითებული სხვა ინფორმაციის დროულად გადამოწმებისათვის, იმავე დღეს გამოიცა ბრძანება - ზუგდიდის მე-6 საჯარო სკოლის ინსპექტირების შესახებ მეორე სამუშაო დღიდან - 2018 წლის 9 ნოემბრიდან 2018 წლის 15 ნოემბრის ჩათვლით;

უნდა გადაგვემოწმებით თუ არა, ამას გვეკითხებნიან, დიახ, ჩვენ უნდა მოვახდინოთ რეაგირება ამგვარ საჩივარზე, ეს ჩვენი მოვალეობაა“ - განაცხადა მიხეილ ბატიაშვილმა.