სამართლიანად ჩატარდა თუ არა არჩევნები
ანაკლია და განმუხური ახალ სეზონს განახლებული ინფრასტრუქტურით შეხვდება
16-02-2019
ანაკლია და განმუხური ახალ სეზონს განახლებული ინფრასტრუქტურით შეხვდება.
სამეგრელო-ზემო სვანეთის სახელმწიფო წმუნებულის ადმინისტრაციის ცნობით, კურორტებზე ზღვის სანაპირომდე მისასვლელი ბილიკები დაიგება, მოხდება საფეხმავლო ხიდთან არსებული კაფე-რესტორანის რეაბილიტაცია, აღდგება სტიქიის დროს დაზიანებული ამფითეატრი. რეაბილიტაცია ბულვარის ტერიტორიაზე განთავსებულ მინი - ფეხბურთის და კალათბურთის მოედნებს ჩაუტარდება, რეაბილიტურდება ასევე ანაკლია-განმუხურის დამაკავშირებელ საფეხმავლო ხიდი. მოეწყობა ველობილიკი, გარე განათება, სველი წერტილები, გასახდელები, დამონტაჟდება ახალი სანაგვე ურნები.
ანაკლიაში ინფრასტრუქტურის განახლება სამეგრელო-ზემო სვანეთის სახელმწიფო რწმუნებულის ადმინისტრაციის უშუალო ჩართულობით ხორციელდება.
სახელმწიფო რწმუნებულმა, ალექსანდრე მოწერელიამ, საკურორტო ზონაში განსახორციელებელი სამუშაოები შპს ,,ანაკალია-განმუხური რესორტის“ წარმომადგენლებთან ერთად დაათვალიერა.
