სენაკის მუნიციპალიტეტის საჯარო და კერძო სკოლების კურსდამთავრებულები ოქროსა და ვერცხლის მედლებით დააჯილდოვეს

26-02-2019

სენაკის საგანმანათლებლო რესურსცენტრში, მუნიციპალიტეტის საჯარო და კერძო სკოლების კურსდამთავრებულთა ოქროსა და ვერცხლის მედლებით დაჯილდოების ცერემონიალი გაიმართა.

წარმატებულ კურსდამთავრებულებს 35 ოქროსა და 15 ვერცხლის მედლები სენაკის მუნიციპალიტეტის მერის პირველმა მოადგილემ, გრიგოლ ბაღათურიამ, მერის მოადგილემ კახაბერ კუპრეიშვილმა და საგანმანათლებლო რესურსცენტრის დირექტორმა დარეჯან ზარანდიამ გადასცეს.

მათ, უკვე პრესტიჟული უმაღლესი სასწავლებლების სტუდენტებს, წარმატებები უსურვეს პროფესიულ წინსვლაში და ქვეყნის განვითარების საქმეში განათლებული თაობის მნიშვნელობას გაუსვეს ხაზი.