გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მაი 2024    »
 12345
6789101112
13141516171819
20212223242526
2728293031 

24 დეკემბერს გომარდულს სავარაუდოდ გახსნიან – კურორტი დაყადაღებულია

19-12-2017

აჭარის მთავრობის თავმჯდომარის ინფორმაციით, სავარაუდოდ კვირის ბოლოს, 24 დეკემბერს აჭარის მთავრობა ზამთრის კურორტ „გომარდულის“ გახსნას გეგმავს. ზურაბ პატარაძის თქმით, მიღწეულია  შეთანხმება, რაც კურორტს საგადასახადო ვალდებულებებისგან ათავისუფლებს და მისი გახსნის შესაძლებლობას იძლევა.
სააქციო საზოგადოება „გომარდული“ საგადასახადო დავალიანებების გამო დაყადაღებული იყო. დავალიანების ჩამოწერასთან დაკავშირებით შემოსავლების სამსახურს აჭარის მთავრობამ მიმართა.
„სანაცვლოდ ინვესტორთა ჯგუფი იქ უზრუნველყოფს გარკვეული სამუშაოების  ჩატარებას, საუბარია წყლისა და კანალიზაციის სისტემების რეაბილიტაციაზე. ასევე გამწმენდი ნაგებობის მშენებლობაზე. გარდა ამისა, იქ უნდა აშენდეს ახალი კოტეჯები და რესტორანი,  იმისთვის, რომ ადგილზე ასულ ადამიანებს არ შეექმნათ კვების პრობლემა“, – განაცხადა აჭარის ფინანსთა და ეკონომიკის მინისტრმა, რამაზ ბოლქვაძემ დღეს მთავრობის სხდომაზე.
მთავრობა აფინანსებს ასევე კურორტამდე მისასვლელი საავტომობილო გზის რეაბილიტაციისა და გაზის მიყვანის სამუშაოებსაც.

წყარო: გაზეთი "ბათუმელები"