სამართლიანად ჩატარდა თუ არა არჩევნები
სენაკში ჟიული შარტავას დაბადებიდან 75-ე წლისთავისადმი მიძღვნილი საღამო გაიმართა
6-03-2019
საქათველოს ეროვნული გმირის, ჟიული შარტავას დაბადებიდან 75-ე წლისთავის აღსანიშნავად, კვირეულის ფარგლებში, სენაკის მუნიციპალიტეტის ჟიული შარტავას მუზეუმში, გმირის ხსოვნისადმი მიძღვნილი საღამო გაიმართა.
საღამოს სენაკის მუნიციპალიტეტის მერის პირველი მოადგილე გრიგოლ ბაღათურია, მერის მოადგილე კახაბერ კუპრეიშვილი, დეკანოზი იოანე კუპრეიშვილი, საკრებულოს, მერიისა და საზოგადოების წარმომადგენლები ესწრებოდნენ.
ღონისძიებაზე გაიხსენეს სენაკის საამაყო შვილის ცხოვრების გზა, ოჯახი და გარემო, სადაც იგი ჩამოყალიბდა, მოღვაწეობის წლები, აფხაზეთში მისი გმირული აღსასრული... საღამოს თან სდევდა ,,კოლხური ტრიოს’’ მიერ შესრულებული ჟიულისადმი მიძღვნილი სიმღერა, დოკუმენტური კადრები და ჩანაწერები, რაც განსაკუთრებულად აძლიერებდა დარბაზში ემოციურ მუხტს. ჟიული შარტავამ თავისი შეგნებული ცხოვრება მიუძღვნა ქვეყნის აღმშენებლობას და ბოლოს, ქედუხრელად შეეწირა მისი ტერიტორიული მთლიანობის დაცვას, რითაც საოცარი მაგალითი დაუტოვა მომავალ თაობებს. ქვეყანას, რომელიც ასეთ მამულიშვილებს ზრდის, გადაშენება არ უწერია - ითქვა გმირის ხსოვნის საღამოზე.
