სამართლიანად ჩატარდა თუ არა არჩევნები
მამუკა ბახტაძე: 2022 წლისთვის განათლებაზე მთლიანი შიდა პროდუქტის 6% დაიხარჯება, რაც ქვეყნის ბიუჯეტის მეოთხედს შეადგენს
7-03-2019
საქართველოს პრემიერ-მინისტრის, მამუკა ბახტაძის განცხადებით, 2022 წლისთვის საქართველოს ბიუჯეტის მეოთხედი განათლების სფეროზე დაიხარჯება.
"განათლების სფეროში მიმართული დაფინანსება ყოველწლიურად გაიზრდება და მაქსიმუმს მიაღწევს 2022 წლისთვის, როცა ჩვენ გავალთ მთლიანი შიდა პროდუქტის 6%-იან ნიშნულზე, რაც, კიდევ ერთხელ მინდა შეგახსენოთ, ქვეყნის ბიუჯეტის მეოთხედს შეადგენს.
ეს იქნება უზრუნველყოფილი სპეციალური კანონონმდებლობით – „საგანმანათლებლო თანასწორობის აქტით, რომელიც არსებულ თუ ნებისმიერ მომავალ მთავრობებს ათწლეულების განმავლობაში დაავალდებულებს, რომ სწორედ აღნიშნული მასშტაბის ინვესტიცია განახორციელოს ყოველწლიურად განათლების სექტორში", - განაცხადა მამუკა ბახტაძემ.
პრემიერმა ახალი ინიციატივა „განათლება - გზა თავისუფლებისკენ“ ეროვნულ ბიბლიოთეკაში წარადგინა.
