სამართლიანად ჩატარდა თუ არა არჩევნები
სადახლოსა და წითელ ხიდზე 93 040 ღერი არადეკლარირებული სიგარეტი აღმოაჩინეს
7-03-2019
ფინანსთა სამინისტროს შემოსავლების სამსახურის ინფორმაციით, საბაჟო გამშვებ პუნქტებში „სადახლო-საავტომობილო“ და ,,წითელი ხიდი“, არადეკლარირებული სიგარეტის ქვეყნის საზღვარზე კანონდარღვევით შემოტანის მცდელობის ფაქტები აღიკვეთა.
შემოსავლების სამსახურის მებაჟე ოფიცრებმა, ეჭვის საფუძველზე, საქართველოს, ირანის, აზერბაიჯანისა და სომხეთის მოქალაქეების ფიზიკური და მათი მართვის ქვეშ არსებული ავტომობილების დათვალიერების შედეგად, ჯამში, 93,040 ღერი არადეკლარირებული სიგარეტი და 1 ცალი სიგარეტის მოსაწევის აპარატი (IQOS) აღმოაჩინეს.
საქართველოს საგადასახადო კოდექსის 289-ე მუხლის მე-14 ნაწილის შესაბამისად, კანონდამრღვევ მოქალაქეებს ჩამოერთვათ საქონელი, სატრანსპორტო საშუალება და სანქციის სახით, თითოეულს, ფულადი ჯარიმა, ათას ათასი ლარის ოდენობით შეეფარდათ.
ხოლო 14 თებერვალს, 2 და 4 მარტს, საბაჟო გამშვებ პუნქტში „სადახლო-საავტომობილო“, აღმოჩენილი სამართალდარღვევების საქმეთა მასალები, შემდგომი რეაგირების მიზნით, საგამოძიებო სამსახურს გადაეცა.
