სამართლიანად ჩატარდა თუ არა არჩევნები
აფხაზეთის ომში დაღუპული თამაზ ტყეშელაშვილის ცხედარი ლანჩხუთში გადაასვენეს
17-03-2019
აფხაზეთის ომში დაღუპული თამაზ ტყეშელაშვილის ხსოვნას პატივი მიაგეს გურიის მხარისა და ადგილობრივი ხელისუფლების წარმომადგენლებმა.
„თითოეული დაღუპული მებრძოლის ღვაწლი საამაყოა და სწორედ ამ გმირების მაგალითზე უნდა აღიზარდონ მომავალი თაობები. ჩვენი ვალია, მუდამ გვახსოვდეს მათი სახელები, დავაფასოთ მათი გმირობა და პატივი მივაგოთ გმირების მარადიულ ხსოვნად“, - აღნიშნა გურიის სახელმწიფო რწმუნებულმა, ზურაბ ნასარაიამ.
ლანჩხუთის მუნიციპალიტეტის მერის, ალექსანდრე სარიშვილის თქმით, ჩვენი ქვეყნის ისტორიაში უმძიმესი ტრაგედიაა აფხაზეთის უთანასწორო ომი, რომელმაც არაერთი ქართველის სიცოცხლე შეიწირა.
უგზოუკვლოდ დაკარგული 12 იდენტიფიცირებული პირის ცხედრის გადმოსვენება შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და წითელი ჯვრის საერთაშორისო კომიტეტის ერთობლივი ძალისხმევით მოხერხდა.
