რომელ მუნიციპალიტეტს გაუზარდეს დაფინანსება ტრანსფერების შემცირების შემდეგ

21-12-2017

აჭარის მთავრობამ მუნიციპალიტეტებისთვის გადასაცემი ტრანსფერების რაოდენობა 11 მილიონით გაზარდა. მომავალ წელს ტრანსფერებისთვის აჭარის ბიუჯეტიდან 48 მილიონის ნაცვლად 59 მილიონ 262 ათასი დაიხარჯება. მომავალი წლის ტრანსფერების ოდენობა წლევანდელთან შედარებით 11 946 000 ნაკლები იქნება. აჭარის მთავრობამ მუნიციპალიტეტებისთვის გადასაცემი ტრანსფერების რაოდენობა 11 მილიონით გაზარდა. მომავალ წელს ტრანსფერებისთვის აჭარის ბიუჯეტიდან 48 მილიონის ნაცვლად 59 მილიონ 262 ათასი დაიხარჯება. მომავალი წლის ტრანსფერების ოდენობა წლევანდელთან შედარებით 11 946 000 ნაკლები იქნება.
აჭარის ფინანსთა და ეკონომიკის სამინისტროს ინფორმაციით, ბიუჯეტის შესწორებული ვარიანტის მიხედვით, ბათუმს ტრანსფერის სახით 7 მილიონს დაუმატებენ, ქობულეთს – 2 246 800, ხელვაჩაურს – 374 210, ქედას – 510 000, ხულოს – 497 400 ლარს.
რის მიხედვით გაუზარდეს მუნიციპალიტეტებს დაფინანსება აჭარის ბიუჯეტიდან – აჭარის ფინანსთა და ეკონომიკის სამინისტროს საბიუჯეტო დეპარტამენტის უფროსი, თეა ჯანაშია ამბობს, რომ მუნიციპალიტეტებმა ხელახლა წარმოადგინეს წერილობითი მოთხოვნები და ეს გაითვალისწინეს – მუნიციპალიტეტებმა გაზარდეს იმ ქუჩებისა და გზების ჩამონათვალი, რომლის კეთილმოწყობაც სურთ.
რატომ გაიზარდა მუნიციპალიტეტების მოთხოვნები მას შემდეგ, როცა პოლიტიკური მსჯელობის საგანი გახდა ტრასნფერის შემცირება? – თეა ჯანაშიას განმარტებით, აჭარის ბიუჯეტის პირველი ვარიანტისთვის მოთხოვნები მუნიციპალიტეტების გამგებლებმა წარმოადგინეს. „ამჯერად კი, ახლადარჩეულმა ხელმძღვანელობამ, რომლებმაც მოთხოვნებს გადახედეს“, – ამბობს ის.
გია აბულაძე, „ერთიანი ნაციონალური მოძრაობის“ წევრი აჭარის უმაღლესი საბჭოდან ამბობს, რომ აჭარის ფინანსთა და ეკონომიკის სამინისტრომ ტრანსფერები სპონტანურად გაზარდა. ოპოზიციის წარმომადგენელი ყურადღებას ამახვილებს იმაზე, რომ მუნიციპალიტეტებს ნაშთი დიდი ოდენობით რჩებათ, რაც ბიუჯეტის სწორად დაგეგმარების და მართვის პრობლემას ავლენს.
„გარდა ამისა, პრობლემაა პრიორიტეტების განსაზღვრა. ამ ტრასნფერებით, ძირითადად, გზების კეთილმოწყობა დაფინანსდება. კარგია გზების მოწყობა, მაგრამ მნიშვნელოვანია, როგორი ხარისხით ვაკეთებთ ამას. ორი და სამი წლის გაკეთებული გზები უკვე დაზიანებულია. უმჯობესი იქნებოდა, დაფინანსებულიყო ისეთი პროგრამები, რითაც ინვესტიცია შემოვა, ან მოსახლეობის სოციალური ფონი გაუმჯობესდება, მაგალითად, ჩვენ ამდენი წელია ვიძახით, რომ პრობლემაა კურორტ გოდერძიმდე მისასვლელი გზა, პრობლემაა გონიოს ინფრასტრუქტურა, რომელიც მილიარდიან ინვესტიციას შემოიტანს,“ – გვითხრა გია აბულაძემ.
აჭარის ბიუჯეტის 2018 წლის თავდაპირველ ვარიანტში, აჭარის მთავრობამ ტრანსფერის ოდენობა, ჯამში, 26 მილიონი ლარით შეამცირა. ბიუჯეტის პროექტში ტრანსფერების შემცირებაზე შენიშვნა ჰქონდა აჭარის უმაღლეს საბჭოს.

წყარო: გაზეთი "ბათუმელები"