სამართლიანად ჩატარდა თუ არა არჩევნები
ჭიათურაში ომის ვეტერანებისა და მათი ოჯახის წევრებისათვის უფასო კარდიოლოგიური კვლევები ჩატარდება
27-03-2019
30 მარტს, ჭიათურის რაიონში მცხოვრებ ომისა და თავდაცვის ძალების ვეტერანებს და მათი ოჯახის წევრებს უფასო ექიმ-კარდიოლოგის კონსულტაციას, ელექტროკარდიოგრამას, გულის ექოსკოპიას, ლაბორატორიული გამოკვლევებს ჩაუტარებენ. ინფორმაციას ვეტერანების საქმეთა სახელმწიფო სამსახური ავრცელებს.
მათივე ცნობით, ამ პირებს უფასო კარდიოლოგიურ გამოკვლევებს აკადემიკოს გ.ჩაფიძის სახელობის გადაუდებელი კარდიოლოგიის ცენტრის ექიმები, ურთიერთთანამშრომლობის მემორანდუმის ფარგლებში, ჩაატარებენ. უფასო გამოკვლევები ვეტერანების საქმეთა სახელმწიფო სამსახურის ორგანიზებით და ჭიათურის მუნიციპალიტეტის მერიის მხარდაჭერით ხორციელდება.
ბენეფიციარების მიღება იწარმოებს 10:00 საათიდან.
მისამართი: ქ. ჭიათურა დავით აღმაშენებლის ქ. 18 "ჯეო-ჰოსპიტლის" პოლიკლინიკა.
შეგახსენებთ, ურთიერთთანამშრომლობის მემორანდუმი ვეტერანების საქმეთა სახელმწიფო სამსახურსა და აკადემიკოს გ. ჩაფიძის სახელობის გადაუდებელი კარდიოლოგიის ცენტრს შორის, 2017 წლის აპრილში გაფორმდა, რომლის ფარგლებშიც, უფასო სამედიცინო აქციები, მთელი საქართველოს მასშტაბით, პერმანენტულად ტარდება.
